Ֆեուդի դի Սան Գրեգորիո, Տաուրազի

Գինին փայլուն ռուբինագույն է` կարմիր նռնաքարի արտացոլանքներով, բալի, դարչինի և մշկընկույզի, վանիլի և անիսոնի բուրմունքով: Համը հագեցած է և խիտ տեքստուրայով, փափուկ ու քաղցր տանիններով և երկար անուշաբույր հետհամով։

Գինին կարելի է համադրել կարմիր մսի հետ։

Խմորումը տևում է 3 շաբաթ, 26°C ջերմաստիճանում՝ պողպատե չժանգոտվող պահամաններում։

Գինին 18 ամիս հնացվում է ֆրանսիական կաղնեփայտե տակառներում։

Սկզբում Feudi di San Gregorio-ի խաղողի այգիները գտնվում էին Sorbo Serpico տարածքում, որտեղ գինեգործարանը գտնվում է մինչ օրս, սակայն այժմ ընկերությունն ունի նաև Տուֆոյում, Սանտա Պաոլինայում և Տաուրասում ծովի մակարդակից 350-700 մետր բարձրության վրա գտնվող այգիներ: Ներկայումս խաղողի այգիների տարածքը 30 հեկտարից հասել է 300-ի։ Բացի Կամպանիայի տարածքներից, ընկերությունն ունի հիանալի խաղողի այգիներ Ապուլիայում և Բազիլիկատայում:

Feudi di San Gregorio-ի Taurasi գինին համարվում է Իտալիայի ամենահզոր և միևնույն ժամանակ էլեգանտ գինիներից մեկը: Taurasi-ն պատրաստվում է Aglianico խաղողի սորտից, որը տեղացիներն անվանում են «Հունական որթատունկ» (Vitis Hellenica), քանի որ այն բերվել է Հունաստանից՝ մինչև Հռոմի հիմանդրումը։

1986 թվականին հիմնադրված Feudi di San Gregorio գինեգործարանը դարձել է Հարավային Իտալիայի գինիների և գինու մշակույթի վերածննդի խորհրդանիշ: Այսօր գինեգործարանը մեծ հեղինակություն է ձեռք բերել ողջ աշխարհում՝ որպես Իտալիայի առավել դինամիկ զարգացող ընկերություններից մեկը՝ կենտրոնանալով գինիների որակի, վայրի-բնական խմորման և նորարարական տեխնոլոգիաների կիրառման վրա: