Գիգալ, Շատո դե Նալիս, Շատոնոֆ-դյու-Պապ Ռուժ

Մուգ կարմիր գինին ունի ինտենսիվ բույր՝ արտահայտված կարմիր, սև հատապտուղների և համեմունքների նոտաներով: Համն արտահայտիչ է ու ամբողջական՝ մետաքսյա տանիններով։

Լավ համադրվում է գրիլ արված կամ սոուսի մեջ պատրաստված կարմիր մսի, որսի թռչնամսի և հնացված պանիրների հետ:

Ձեռքով բերքահավաք և տեսակավորում, որին հաջորդում է խմորումը փայտե կոնաձև անոթներում: Խմորումը տևում է շուրջ 4 շաբաթ։

4 ամիս հնացում կաղնե տակառներում։

Այս գինին Château de Nalys կատեգորիայի բարդության կատարյալ օրինակ է: Էլեգանտ քիմք՝ մետաքսյա, հարուստ ու երկարատև տանիններով:

Խաղողն աճում է կավե-կրաքարային և ալյուվիալ-քարքարոտ հողերի վրա: Վազերի միջին տարիքը 45 տարի է:

1946 թ.-ին ֆրանսիական Ամպյուի հին գյուղակում Էտյեն Գիգալը հիմնեց իր գինեգործարանը, որն այսօր հայտնի է ամբողջ աշխարհում: Էտյենի որդին՝ Մարսել Գիգալը, սկսեց աշխատել և օգնել հորը բավական երիտասարդ տարիքում՝ ի վերջո փոխարինելով տարեց, հանկարծակի կուրացած Էտյենին: Ընտանեկան բիզնեսում Մարսելը ներդրել է ոչ միայն իր ամբողջ ներուժը, այլև սիրտն ու հոգին: Այսօր ընտանեկան գինեգործության ավանդույթը շարունակում է Մարսելի որդին՝ Ֆիլիպ Գիգալը, ով ընկերությունում զբաղեցնում է գլխավոր էնոլոգի պաշտոնը: E.Guigal ընկերությանն են պատկանում իսկապես եզակի խաղողի այգիներ, դրանցից ամենահինը Ֆրանսիայում տնկվել է ավելի քան 2400 տարի առաջ: