Բաց ռուբինագույն գինու բույրն արտահայտված է մրգային, ծաղկային և խոտաբուսային հաճելի նրբերանգներով: Համնուհոտը լրացնում են դարչինի և անտառային փայտի երանգները: Քիմքին հավասարակշռված է՝ նուրբ  տանինային տեքստուրայով:  

Լավ համադրվում է ռիզոտոյի, մսի կամ որսի մսի հետ: Կարող եք համտեսել նաև նուրբ համեմված լոբազգիներով կամ բանջարեղենով ապուրների հետ:

Խաղողը հավաքվում է ձեռքով, որի ընթացքում ընտրվում են միայն իդեալական հասունության ողկույզները: Ֆերմենտացիան մացերացիայի հետ, չժանգոտվող պողպատե պահամաններում 10-12 օր՝ 25°C ջերմաստիճանում:

14 ամիս հնացում ֆրանսիական կաղնե տակառներում, որից հետո՝ մինչ թողարկումը, կրկին 22 ամիս՝ շշի մեջ:

Բարձրությունը ծովի մակարդակից կազմում է 750 մ: Հրաբխային տարածաշրջանի շնորհիվ հողը ավազոտ ու քարոտ է: Խաղողի արմատները աճի ընթացքում հագենում են հանքանյութերով:

Այս գինու պիտակի գլխավոր հերոսը՝ նախագծված իլյուստրատոր Ստեֆանո Վիտալեի կողմից, լի է հմայքով ու առեղծվածով: Արիստոկրատ դեմքով հրաբուխ-աստվածուհի՝ զարդարված թանկարժեք զարդերով՝ ծաղիկներով և մրգերով, որոնք արտացոլում են այս ընտրյալ տարածքի հեղինակությունը: Պիտակի վրա պատկերված են նաև միջնադարյան Castiglione di Sicilia գյուղը և նրա խաղողի այգիները՝ ընդհատված հրաբխային մոխիրներով:

Donnafugata իտալերենից թարգմանաբար նշանակում է «փախչող կին»: Կա մի լեգենդ թագուհի Մարիա Կարոլինայի փախուստի մասին, ով փախել է Նեապոլից և ապաստան գտել Սանտա Մարգարիտա Բելիցե հովտի կենտրոնական քաղաքում՝ աստղային երկնքի տակ գտնվող պալատում: Արտադրանքի պիտակների վրա նաև կարելի է նկատել կնոջ՝ քամուց օրորվող մազերը: Donnafugata-ն հիմնադրվել է Սիցիլիայում մի ընտանիքի կողմից, որը խաղողագործության հանդեպ մեծ սիրո շնորհիվ կարողացել է վերափոխել սիցիլիական գինու ոճն ու ընկալումը ողջ աշխարհում: Ջակոմո Ռալլոն՝ որակյալ գինիների արտադրության ավելի քան 170 տարվա փորձ ունեցող ընտանիքի չորրորդ սերունդը, հիմնադրել է Donnafugata-ն 1983 թվականին իր կնոջ՝ Գաբրիելլայի հետ, որը Սիցիլիայում խաղողագործության ռահվիրա էր (ղեկավար): Այսօր նրանց երեխաները՝ Խոսեն և Անտոնիոն, ղեկավարում են ընկերությունը և գերազանցության ձգտող աշխատակիցների ահռելի թիմը։ Իմանալ ավելին