Դոմեն Վախաու, Գրյուներ Վելտլիներ Ֆեդերշպիել Լիբենբերգ

Գինին ունի ծղոտե դեղին գույն՝ կանաչավուն երանգներով։ Բույրը լի է հասած դեղին խնձորների, սպիտակ դեղձի, պապայայի ու պղպեղի նոտաներով։ Համը մրգային է, արտահայտիչ թթվայնությամբ ու աղի նյուանսներով։ Գինի ունի հարմոնիկ, երկար ու շքեղ հետհամ։

Գինին հիանալի է համադրվում տապակած մսային ուտեստների ու միջերկրածովյան խոհանոցի ուտեստների, օրինակ՝ շակշուկայի հետ։ 

Ձեռքով հավաքված խաղողը նրբորեն մամլվում է, ինչից հետո ենթարկվում ոչ երկարաժամկետ մացերացիայի։  Խմորումը տեղի է ունենում չժանգոտվող պողպատե պահամաններում։

Ըստ 1980 թ․ Վախաույում ստեղծված գինիների դասակարգման հատուկ համակարգի՝ չոր սպիտակ գինիները (Vinea Wachau) բաժանված են 3 կատեգորիայի, որոնք տարբերվում են ոճով, ալկոհոլի պարունակությամբ և որակով: Smaragd-ը այս համակարգում ամենաբարձր կատեգորիան է։ Smaragd թարգմանաբար նշանակում է «զմրուխտ», ինչը կապված է գինիների այս կատեգորիայի խորհրդանիշ դարձած զմրուխտագույն մողեսների հետ։ Smaragd կատեգորիայի գինիները մարմնեղ են և հագեցած՝ 12,5% ալկոհոլի պարունակությամբ։

Վախաուի ամենահիասքանչ խաղողի այգիներից մեկը՝ Լիբենբերգը (Liebenberg) հայտնի է դեռևս 14-րդ դարից։  

Domane Wachau ընկերությունը գտնվում է Ավստրիայի ամենահայտնի գինեգործական շրջաններից մեկի՝ Վախաու հովտի հենց սրտում։ Այժմ ընկերությանն են պատկանում Վախաու հովտի խաղողի այգիների 30%-ը` ավելի քան 400 հա տարածք։ Գինեգործարանն արտադրում է տարբեր ոճերի՝ թեթև մրգայինից մինչև բարդ գինիներ, որոնք ունեն հնացման մեծ պոտենցիալ: