Ֆեուդի դի Սան Գրեգորիո, Ագլյանկո Դալ Ռե

Գինին վառ կարմիր է: Բույրում զգալի են սև բալի և ազնվամորու ինտենսիվ նոտաներ՝ համադրված լակրիցայի և քաղցր համեմունքների նրբերանգներով: Քիմքին փափուկ է և հավասարակշռված՝ թավշյա տանիններով, որոնք ուղեկցում են հաճելի, կայուն և բուրավետ հետհամով:

Գինին հիանալի է որպես ապերիտիվ, լավ է համադրվում կարմիր, սպիտակ մսի, ապուրների և պաստայի հետ:

Խմորումը տեղի է ունենում մացերացիայով, պողպատե պահամաններում շուրջ 2-3 շաբաթ։

Գինին 6 ամիս հնանում է ֆրանսիական կաղնե տակառներում, որից հետո ևս 6 ամիս շշում:

Խաղողի այգիները գտնվում են Իրպինիայում՝ ծովի մակարդակից 350-ից 700 մետր բարձրության վրա։ 

Գինին պատրաստվում է Ալիանիկո խաղողից, որը հավաքվում է հոկտեմբերի սկզբին՝ «Դալ Ռե» խաղողի այգուց:

1986 թվականին հիմնադրված Feudi di San Gregorio գինեգործարանը դարձել է Հարավային Իտալիայի գինիների և գինու մշակույթի վերածննդի խորհրդանիշ: Այսօր գինեգործարանը մեծ հեղինակություն է ձեռք բերել ողջ աշխարհում՝ որպես Իտալիայի առավել դինամիկ զարգացող ընկերություններից մեկը՝ կենտրոնանալով գինիների որակի, վայրի-բնական խմորման և նորարարական տեխնոլոգիաների կիրառման վրա: