Լը Գրան Նուար Կաբերնե Սովինյոն

Կարմիր երանգներով այս ռուբինագույն գինու բույրում զգալ են սև հաղարջի, մոշի լիկյորի, աղացած պղպեղի և համեմունքների բույրեր: Միջին մարմնեղության է, բալանսավորված տեքստուրայով, մետաքսե տանիններով և շատ հյութալի է: Հետհամում նկատվում են կծու նոտաներ:

Հիանալի համադրվում է միջին հասունության պանիրների և մսային նախուտեստների՝ հատկապես հորթի մսի, որսի թռչունների հետ։

Բերքահավաքը տեղի է ունենում գիշերը. յուրաքանչյուր սորտը 2 շաբաթ առանձին խմորվում է չեզոք պահամաններում՝ վերահսկվող ջերմաստիճանում:

6 ամիս հնացում ամերիկյան և ֆրանսիական կաղնեփայտե տակառներում։

Գինին կրկնում է XIX դարավերջի և XX դարասկզբի բորդոյական ասամբյլաժը, երբ Մեդոկում թույլ հասունացող Կաբերնե Սովինյոնից գինիներին ավելացնում էին ավելի հարավային և հասուն Սիրայից ստացված գինիներ՝ դրանք հաճախ անվանելով «Էրմիտաժացված» գինիներ: Բլենդի մեջ օգտագործվում է 85% Կաբերնե Սովինյան և 15% Սիրա: 

Խաղողի այգիները գտնվում են ծովի մակարդակից 100-400 մ բարձրության վրա Միջերկրական ծովի ափի արևմտյան մասում՝ Միներվուայի շրջակայքում, Իսպանիայի սահմանի մոտ։ Կաբերնեն տնկվում է ալյուվիալ լանջերին՝ կավով և կրաքարով հողերով տեռասապատ տարածքներում: Խաղողի վազերի միջին տարիքը՝ 20 տարի: 

Le Grand Noir-ը Ֆրանիսայի Լանգեդոկ գինեգործական շրջանի ամենախոշոր ու հայտնի արտադրողներից մեկի՝ Les Celliers Jean d'Alibert գինեգործական ընկերության նախագծերից է։ Les Celliers Jean d'Alibert-ի կազմի մեջ են մտնում Օ-Միներվուա տարածաշրջանի մի քանի կոոպերատիվ, 20 փոքր դոմեն և տարբեր կլիմայական գոտիներում գտնվող մոտ 6000 հա խաղողի այգիներ, որոնցից յուրաքանչյուրն ունի իրեն բնորոշ տերուար։ Ընկերությունն ունի 120 առանձին հատվածների բաժանված մառան, որտեղ կարելի է հնացնել ավելի քան 40.000 հեկտոլիտր գինի: