Էլեգանտ և ոճային այս գինին գրավում է ներդաշնակ, նուրբ բույրով, դեղձի, կիտրոնի, խնձորի, տանձի, սպիտակ ծաղիկների և խոտաբույսերի ինտենսիվ երանգներով: Գինին ունի մեղմ համ՝ էլեգանտ, մրգային-ցիտրուսային նոտաներով, նուրբ թթվայնությամբ և երկար հետհամով։

Գինին գերազանց է որպես ապերիտիվ, լավ է համադրվում նաև ձկնային ուտեստների, սաղմոնի սթեյքի և վեգետերիանական ուտեստների հետ:

21 օր խմորում չժանգոտվող պողպատե պահամանում (գինու 75%) և ֆրանսիական կաղնեփայտե տակառներում (գինու 25%): Յուրաքանչյուր սորտը խմորվում է առանձին: Ալկոհոլային խմորումից հետո կատարվում է մալոլակտիկ խմորում:

4 ամիս չժանգոտվող պողպատե պահամաններում, 1 ամիս շշում։

Պոմինո ամրոցը կառուցվել է 16-րդ դարում՝ ֆլորենցիացի ճարտարապետ Գերարդո Սիլվանիի նախագծով: Կոզիմո III Մեդիչին՝ Տոսկանայի մեծ իշխանը, 1716-ին ամրոցի գինիները ներառել է տարածաշրջանի լավագույն գինիների ցուցակում: Այսօր Կաստելո դի Պոմինոն Ֆրեսկոբալդիի առաջատար գինեգործական կալվածքներից է, որն ունի 1,458 հա տարածք: Այստեղ՝ առաջին անգամ Տոսկանայում տնկվեցին Շարդոնեի և Պինո Բիանկոյի խաղողի որթատունկերը, իսկ Բենեֆիցո Ռիզերվան 1973 թվականին դարձավ առաջին սպիտակ գինին, որ հնացվել էր կաղնեփայտե տակառներում: