Ոսկեվազ, Կարասի Հավաքածու, Հաղթանակ

Մուգ կարմիր գինու հարուստ բույրն արտահայտված է մրգերի, կարմիր հատապտուղների, ծաղիկների և համեմունքների արտահայտիչ երանգներով: Քիմքին հագեցած է, ինտենսիվ՝ մրգային-կծու շեշտադրումներով, թավշյա տանիններով, թարմ թթվայնությամբ ու երկարատև, համեմունքային հետհամով:

Խորհուրդ է տրվում մատուցել մսային ուտեստների, պինդ պանիրների հետ:

Գինին պատրաստվում է Հաղթանակ խաղողի սորտից, որի այգիները գտնվում են ծովի մակարդակից 1000 մետր բարձրության վրա: Ֆերմենտացիայի համար օգտագործվում է կավե ամֆորա, որն անվանում են «կարաս»:

Հնացվում է հայկական կաղնե տակառներում՝ 14 ամիս:

«Ոսկեվազի Գինու Գործարան»-ը գտնվում է Արագածոտնի մարզի նույնանուն գյուղում: Զարմանահրաշ գեղեցկությամբ օժտված Հայաստանում ամենաբարձր լեռան` Արագածի  մերձակայքը կրում է իր մեջ հայկական քաղաքակրթության զարգացման նախկին ժամանակաշրջանների շերտերը: Գործարանից ընդամենը մի քանի կիլոմետր հեռավորության վրա, Քասախի կիրճի եզրին, 5-7-րդ դարերում կառուցված «Բադալի Ժամ» եկեղեցու ավերակներն են: Մոտակայքում հայտնաբերվել են հողի մեջ թաղված կարասի մնացորդներ, որոնց մեջ գինի էին պահում:

Արծաթե մեդալ «Mundus Vini 20-րդ Գինու Միջազգային Մրցույթում» 2017թ.-ին, Արծաթե մեդալ “Decanter World Wine Awards” մրցույթում 2018թ.-ին:

Ոսկեվազ գինեգործարանը հիմնադրվել է դեռևս 1932 թվականին: Ժամանակակից բոլոր նորարարությունների հետ միասին այն զգուշորեն պահպանել է իր վավերական տարրերի մեծ մասը՝ ներառյալ շենքերը: Այսօր գործարանի տարածքում տարվում են բազմաթիվ շինարարական աշխատանքներ, որպեսզի ստեղծվի նոր, նմանը չունեցող, յուրօրինակ զբոսաշրջային համալիր: Գործարանն իր վերածնունդն ապրեց 2004 թվականին: Այսօր Ոսկեվազը ստեղծում է գինիներ, որոնք արտադրվում են ինչպես ժամանակակից գինեգործական մեթոդներով, այնպես էլ օգտագործելով հին ավանդական կարասները, որոնք ստեղծվել են դեռևս 19-րդ դարավերջին: Պարբերաբար բարելավելով և կատարելագործելով սեփական արտադրության որակը, ինչպես նաև յուրաքանչյուր տարի ընդլայնելով արտադրվող խմիչքի նմուշակազմը` «Ոսկեվազի Գինու Գործարան»-ը կատարում է իր յուրօրինակ ներդրումը գինիների աշխարհում: