Հարդիս Բրեյվ Նյու Ուորլդ Շիրազ

Մուգ մանուշակագույն՝ վառ կարմիր երանգով այս գինու բույրը լի է մոշի, հաղարջի, սալորի, կաթնային շոկոլադի բույրերով ու վանիլային նրբերանգներով: Համի մեջ գերակշռող մուգ հատապտուղների նյուանսերը միախառնված են շոկոլադի, լիկյորի և հասած սալորի ակնարկների հետ: Քիմքը հարուստ է, բարդ և լավ հավասարակշռված, փափուկ հյուսվածքով, երկար հետհամով, փափուկ տանիններով և էլեգանտ կառուցվածքով:

Հիանալի համադրվում է խորոված կամ տապակած տավարի մսի հետ՝ հատկապես պղպեղի սոուսով մատուցված:

Hardys-ի պատմությունը սկսվել է դեռևս 1850 թ.-ին, երբ երկար ծովային ճանապարհորդությունից հետո երիտասարդ անգլիացի Թոմաս Հարդին ոտք դրեց Ավստրալական մայրցամաք։ Մի քանի տարի հետո Հարդին ստեղծեց սեփական գինեգործական բիզնեսը, հավանաբար, պատկերացում անգամ չունենալով, որ կդառնա «Հարավային Ավստրալիայի գինեգործության հայրը»: Այժմ գինու արտադրության մեջ լավագույն տեխնոլոգիաների կիրառման և խիստ ստանդարտների պահպանման շնորհիվ ընկերությունն արտադրում է հիանալի գինիներ՝ ներառյալ լեգենդար «Nottage Hill», «Eileen Hardy», «William Hardy» շարքերը: Գինու գերազանց որակի մասին են խոսում նաև ստացած բազմաթիվ մրցանակները, որոնցից 54-ը` ոսկի: Hardys-ն ամեն տարի վաճառում է ավելի քան 100 միլիոն շիշ ազնվական ըմպելիք՝ աշխարհի շուրջ 120 երկրներում: