Բաց սաթագույն այս վիսկիի բավականին քաղցր բույրում վանիլի և թարմ խոտի նուրբ նոտաները միախառնվում են եգիպտացորենի, հացահատկի ակնարկների հետ։ Քիմքին զգալի է վիսկիի մարմնեղությունը՝ ածխացած կաղնու, վանիլի կրեմային նոտաներով, համեմունքների և պղպեղի ելևեջներով։ Քաղցր հետհամում զգալի են ծխեցրած կաղնեփայտի նոտաներ։

Դասական դիժեստիվ է։ Հիանալի է ինքն իրենով, ինչպես նաև սառույցի կամ ջրի հետ:

The Jim Beam White Bourbon-ը Կենտուկիի իսկական բուրբոն է: «Իսկական լինելու համար այն պետք է արտադրվի Ամերիկայի Միացյալ Նահանգներում, իսկ օգտագործված հացահատիկի կեսից ավելին պետք է լինի եգիպտացորեն։ Նոր արտադրանքի ալկոհոլի պարունակությունը չի կարող լինել 80%-ից ավելի, իսկ տակառներ լցվելիս՝ 62,5%-ից ավելի, այն պետք է հասունանա առնվազն երկու տարի նոր, ածխացած կաղնե տակառների մեջ և չպետք է պարունակի հավելումներ և ներկանյութեր։ Շշալցվելիս ալկոհոլի թնդությունը առնվազն 40 % է։ Ահա թե ինչպես է բուրբոնը դառնում իսկական։ Բայց Ջիմ Բիմի թիմի համար սա դեռ բավարար չէ։ Արտասովոր բուրբոն ստանալու համար հասունացման նվազագույն ժամկետը կրկնապատկվում է, և վիսկին չորս տարի հնացվում է նոր տակառներում: Այդ տակառները պատրաստված են ամերիկյան սպիտակ կաղնուց և մշակվել են կրակով։ Հենց այս ածխացումը փոխում է փայտի կառուցվածքը և կարամելային համ հաղորդում բուրբոնին։

The Jim Beam Original-ը հայտնի է նաև որպես White Label, և այն շարունակում է մնալ ընկերության ամենահին և ամենատարածված խմիչքն ամբողջ աշխարհում: Վիսկին ստացել է Ջիմ Բիմ անվանումը 1933 թվականից հետո՝ ի պատիվ Ջեյմս Բիմի, ով զարգացրել է ընտանեկան բիզնեսը: Ավելի վաղ բրենդը հայտնի էր որպես Old Jake Beam՝ հիմնադիր Յոհաննես «Ջեյքոբ» Բիմի անունով։

Աշխարհահռչակ Ջիմ Բիմի պատմությունը, կապված է Ջեյքոբ Բիմի անվան հետ, ով 18-րդ դարի վերջին սկսեց վիսկի արտադրել աղացած եգիպտացորենից, տարեկանից և ածիկից։ Սաթագույն այս թունդ լիկյորը կոչվում է բուրբոն՝ Կենտուկիի Բուրբոն շրջանի անունով, որտեղ էլ այն առաջին անգամ արտադրվել է: Ջեյքոբ Բիմը իր բուրբոնի առաջին տակառը վաճառել է 1795 թվականին։ Ավելի քան 200 տարի շարունակ ընկերության սեփականատերերը շարունակում են հետևել իրենց նախնիների հարուստ ավանդույթներին՝ սերնդեսերունդ փոխանցելով հիանալի վիսկիի բաղադրատոմսը: Վերջերս ընկերությունն ընդլայնել է իր արտադրական հզորությունները և վիսկի է շշալցում ոչ միայն Կենտուկիի գործարանում, այլև Իսպանիայի սեփական «Beam Suntory» գործարանում։  Իմանալ ավելին