Լանսոն, Լը Վայթ Լեյբլ Սեկ

Շամպայնը ծղոտագույն է՝ ոսկեգույն երանգներով և նուրբ փայլով: Բազմաշերտ բույրն արտահայտված է տանձի, սպիտակ ծաղիկների, մարցիպանի և հանքանյութերի նոտաներով: Քիմքին հարուստ է, փափուկ, նուրբ՝ մրգային, հանքային շեշտադրումներով, թեթևակի քաղցրությամբ և հավասարակշռված հետհամով:

Գերազանց ապերիտիվ է, նաև հիանալի համադրվում է մրգերի հետ:

Կուպաժը բաղկացած է խաղողի 3 տեսակներից՝ Chardonnay, Pinot Noir և Pinot Meunier, որոնք աճում են Champagne տարածաշրջանի 50 լավագույն խաղողի այգիներում: Բնական համը պահպանելու համար շամպայնը մալոլակտիկ խմորման չի ենթարկվում:

Հնացվում է 5 տարի շշի նստվածքի վրա: (Հիմնականում վինտաժային շամպայնը հնացնելու համար պահանջվում է 15 ամիս):

Այս շամպայնի համար բերքահավաքը տեղի է ունենում Premier և Grand Cru-ի լավագույն շրջաններից՝ Avize, Oger, Verzenay և Bouzy:

19-րդ դարում Demi-Sec-ը (կիսաչոր) շամպայնի ամենատարածված տեսակն էր: Այսպիսի շամպայն ստանալու համար ավելացնում են Dosage, որի միջոցով էլ որոշվում է շաքարի ճշգրիտ պարունակությունը և քաղցրության մակարդակը:

Maison Lanson-ը Ֆրանսիայի ամենահին շամպայնի տներից մեկն է։ Այն հիմնադրվել է 1760 թվականին Մալթայի շքանշանի ասպետներից մեկի՝ Ժան Բատիստ Լանսոնի կողմից։ Լանսոնի տան շամպայնները միջազգային ճանաչում են ստացել իրենց գերազանց որակի և անսովոր թարմ համի համար։ Լանսոնը ամուր արմատներ ունի Ֆրանսիայում, իսկ այսօր ընկերության արտադրանքը վայելում են ավելի քան 80 երկրներում։ 1970 թվականից ի վեր Maison Lanson -ը Անգլիայի թագավորական ընտանիքի պաշտոնական մատակարարն է: Maison Lanson-ը ավելի քան 260 տարի է շարունակում է հավատարիմ մնալ իր տան ավանդույթներին ու արժեքներին՝ ստեղծելով միջազգային ճանաչում ունեցող, գերազանց արտադրանք: