15,900 ֏

Լիկյորը սաթագույն է՝ կարամելային երանգներով: Վառ արտահայտված մանդարինի բույրում զգացվում են համեմունքների, խոտաբույսերի և դարչինի նրբերանգներ: Ունի ընդգրկուն, հարուստ համ՝ կոնյակի փափուկ ակնարկներով ու երկարաշունչ ավարտով։

Լիկյորը հիանալի է ինքն իրենով, սառույցով, ինչպես նաև կոկտեյլների ու աղանդերի մեջ:

Լիկյորի արտադրության համար մանդարինի կեղևը թրմում են սպիրտով, ստացված էկստրակտը թորում են, իսկ փափուկ և ներդաշնակ համ տալու համար թորվածքը հնացնում են մեծ տակառներում մոտ երկու տարի, որից հետո ավելացնում են շաքարավազ։ «Mandarine Napoleon»-ը նաև ներառում է խոտաբույսեր, համեմունքներ և ամենաքիչը 6 տարի հնացված լավագույն կոնյակային սպիրտներ՝ հարստացնելով խմիչքի համնուհոտը:

«Mandarine Napoleon»-ը համեղ լիկյոր է, որը պատրաստվում է Սիցիլիայի և Իսպանիայի հարավ-արևմուտքում աճող մանդարինի թարմ կեղևից: Այս մրգերն ունեն անսովոր արտահայտիչ, խորը համ, ինչի շնորհիվ խմիչքը ձեռք է բերում յուրահատուկություն: «Mandarine Napoleon» լիկյորը ստեղծել է քիմիկոս և քաղաքական գործիչ Անտուան-Ֆրանսուա դե Ֆուրկուան, ով Նապոլեոնից ստացել է կայսրության կոմսի տիտղոսը։ Մանդարինները Եվրոպա են ներմուծվել Չինաստանից 18-րդ դարի վերջին, և Ֆրանսիայում էկզոտիկ միրգ էին համարվում։ Դրանք լավ աճում էին հատկապես Նապոլեոնի ծննդավայր Կորսիկա կղզում։ Այսպիսով Ֆուրկուայի մոտ ծագեց հիանալի մի գաղափար՝ մանդարինները ալկոհոլով թրմելու և ստացված թորվածքին կոնյակ ավելացնելու վերաբերյալ: Նապոլեոնին շատ դուր եկավ նոր խմիչքը, և նա հաճախ էր հրավիրում Անտուան-Ֆրանսուային՝ միասին վայելելու այս համեղ լիկյորը: Այսպես էլ ծնվեց «Mandarine Napoleon»-ը: Լիկյորը մինչ օրս արտադրվում է հին բաղադրատոմսով, որը պահվում է խիստ գաղտնի: Այսօր «Mandarine Napoleon»-ը վաճառվում է աշխարհի ավելի քան 100 երկրներում։

De Kuyper ապրանքանիշը հիմնադրվել է 1695 թվականին Պետրուս Դե Կայպերի կողմից, ում մեծ սերը թորման ավանդական արհեստի հանդեպ փոխանցվել է սերնդեսերունդ: Այն դարձրել է De Kuyper-ը ամենամեծ պրեմիում դասի լիկյոր արտադրողն աշխարհում: 1995 թվականին De Kuyper-ն իր 300-ամյակի առթիվ արժանացավ թագավորական ճանաչման: Այդ պահից ի վեր թորարանը հպարտորեն կրում է «Ռոյալ» տիտղոսը: Հոլանդիայի ամենահին ընտանեկան բիզնեսներից մեկը, աշխարհի համար 1 լիկյոր բրենդը վաճառվում է 100-ից ավել երկրներում՝ տարեկան 40 միլիոնից ավել շիշ ծավալով: De Kuyper-ը նաև «դեմոկրատիզացրել» է կոկտեյլները՝ դրանք հասանելի դարձնելով յուրաքանչյուրին ցանկացած առիթի համար: De Kuyper-ը գլխավոր դերակատարն է լիկյորների կատեգորիան ավելի նորարարական և ժամանակակից դարձնելու գործում: Բրենդը համագործակցում է աշխարհում թրենդներ ձևավորող այնպիսի բարմենների հետ, ինչպիսիք են Սալվատորե Կալաբրեզեն, Ալեքս Կրատենան, Մոնիկա Բերգը, Սիմոնե Կապորալեն և այլք: