Միլ է ունա Նոթ Ռեդ, Դոնաֆուգատա

Ինտենսիվ ռուբինագույն գինու հարուստ բույրում կարմիր, սև մրգերի, թարմ բալզամիկի և վանիլի նրբերանգները համադրված են կծու ակնարկների հետ: Քիմքին փափուկ է, կլորավուն՝ հիանալի տեքստուրայով և հասուն տանիններով: Հետհամը կայուն է, երկարատև:

Լավ համադրվում է գառան մսի կամ խոզի մսով պապարդելի հետ:

Ֆերմենտացիա և մացերացիա չժանգոտվող պողպատե պահամաններում 12 օր՝ 28 - 30°C ջերմաստիճանում:

13-14 ամիս հնացում նոր ֆրանսիական կաղնե բարիկներում, որից հետո՝ մինչ թողարկումը, կրկին 24 ամիս՝ շշի մեջ:

Պիտակի վրա պատկերված պալատը Palazzo Filangeri di Cutò-ն է, որտեղ թագուհի Մարիա Կարոլինան ապաստան է գտել՝ փախչելով Նեապոլից: Դա գրող Տոմասի դի Լամպեդուզայի սիրելի տունն էր: 

Donnafugata իտալերենից թարգմանաբար նշանակում է «փախչող կին»: Կա մի լեգենդ թագուհի Մարիա Կարոլինայի փախուստի մասին, ով փախել է Նեապոլից և ապաստան գտել Սանտա Մարգարիտա Բելիցե հովտի կենտրոնական քաղաքում՝ աստղային երկնքի տակ գտնվող պալատում: Արտադրանքի պիտակների վրա նաև կարելի է նկատել կնոջ՝ քամուց օրորվող մազերը: Donnafugata-ն հիմնադրվել է Սիցիլիայում մի ընտանիքի կողմից, որը խաղողագործության հանդեպ մեծ սիրո շնորհիվ կարողացել է վերափոխել սիցիլիական գինու ոճն ու ընկալումը ողջ աշխարհում: Ջակոմո Ռալլոն՝ որակյալ գինիների արտադրության ավելի քան 170 տարվա փորձ ունեցող ընտանիքի չորրորդ սերունդը, հիմնադրել է Donnafugata-ն 1983 թվականին իր կնոջ՝ Գաբրիելլայի հետ, որը Սիցիլիայում խաղողագործության ռահվիրա էր (ղեկավար): Այսօր նրանց երեխաները՝ Խոսեն և Անտոնիոն, ղեկավարում են ընկերությունը և գերազանցության ձգտող աշխատակիցների ահռելի թիմը։