Ոսկեվազ, Կարասի Հավաքածու, Ոսկեհատ

Գինին ծղոտագույն է՝ ոսկեգույն երանգներով: Թարմ, ներդաշնակ բույրն արտահայտված է դեղձի, տանձի, ցախկեռասի և խոտաբույսերի նյուանսներով: Քիմքին փափուկ է, մաքուր՝ հարթ տեքստուրայով, մրգային-ծաղկային նոտաներով և հավասարակշված, կծու թթվայնությամբ հետհամով:

Խորհուրդ է տրվում համադրել հայկական խոհանոցի, ձկնային անուշաբույր ուտեստների և պինդ պանիրների հետ:

Այս նրբաճաշակ, սպիտակ գինին պատրաստվում է 60-ամյա Ոսկեհատ խաղողի հին վազերից, որոնք աճում են ծովի մակարդակից 1000 մետր բարձրության վրա: Գինին ստեղծելու համար օգտագործվում է կավե ամֆորա, որն անվանվում է «կարաս»:

Հնացվում է հայկական կաղնե տակառներում:

«Ոսկեվազի Գինու Գործարան»-ը գտնվում է Արագածոտնի մարզի նույնանուն գյուղում: Զարմանահրաշ գեղեցկությամբ օժտված Հայաստանում ամենաբարձր լեռան` Արագածի  մերձակայքը կրում է իր մեջ հայկական քաղաքակրթության զարգացման նախկին ժամանակաշրջանների շերտերը: Գործարանից ընդամենը մի քանի կիլոմետր հեռավորության վրա՝ Քասախի կիրճի եզրին, 5-7-րդ դարերում կառուցված «Բադալի Ժամ» եկեղեցու ավերակներն են: Մոտակայքում հայտնաբերվել են հողի մեջ թաղված կարասի մնացորդներ, որոնց մեջ գինի էին պահում:

Արծաթե մեդալ Արթուր Սարկիսյանի հեղինակած «Հայաստանի գինիները» ուղեցույցի շրջանակներում անցկացված համտես-մրցույթում 2016թ., Ոսկե մեդալ «Mundus Vini 20-րդ Գինու Միջազգային Մրցույթին» 2017թ.:

Ոսկեվազ գինեգործարանը հիմնադրվել է դեռևս 1932 թվականին: Ժամանակակից բոլոր նորարարությունների հետ միասին այն զգուշորեն պահպանել է իր վավերական տարրերի մեծ մասը՝ ներառյալ շենքերը: Այսօր գործարանի տարածքում տարվում են բազմաթիվ շինարարական աշխատանքներ, որպեսզի ստեղծվի նոր, նմանը չունեցող, յուրօրինակ զբոսաշրջային համալիր: Գործարանն իր վերածնունդն ապրեց 2004 թվականին: Այսօր Ոսկեվազը ստեղծում է գինիներ, որոնք արտադրվում են ինչպես ժամանակակից գինեգործական մեթոդներով, այնպես էլ օգտագործելով հին ավանդական կարասները, որոնք ստեղծվել են դեռևս 19-րդ դարավերջին: Պարբերաբար բարելավելով և կատարելագործելով սեփական արտադրության որակը, ինչպես նաև յուրաքանչյուր տարի ընդլայնելով արտադրվող խմիչքի նմուշակազմը` «Ոսկեվազի Գինու Գործարան»-ը կատարում է իր յուրօրինակ ներդրումը գինիների աշխարհում: