Վիսկի Ռայտերս Տիերս Դաբլ Օուք

Ոսկեգույն-մեղրագույն վիսկիի բույրում զգալի են քաղցր վանիլի, դարչինի, սալորի և եփած տանձի ակնարկներ: Մեղմ համը լի է ցիտրուսային մրգերի կեղևի, շոկոլադի և համեմունքների հագեցած նոտաներով: Հետհամը նրբագեղ է, աստիճանաբար նվազող:

Դասական դիժեստիվ է։ Հիանալի է ինքն իրենով, ինչպես նաև սառույցի կամ ջրի հետ:

Այս բացառիկ իռլանդական վիսկին ստեղծվել է երկու տեսակի փայտի և երկու ոճի պրեմիում իռլանդական վիսկիների (Single Pot Still և Single Malt Irish) կուպաժից: Եռակի թորումից հետո վիսկին հնացվում է Կենտուկիի ամերիկյան կաղնեփայտե բուրբոնի տակառներում և Ֆրանսիայի Կոնյակ շրջանի ֆրանսիական կաղնեփայտե տակառներում: Վիսկին չի ենթարկվում սառը ֆիլտրման և շշալցվում է 46% ալկոհոլի թնդությամբ։ Վիսկիի արտադրությունը հնարավոր դարձավ Իռլանդիայի Քարլո կոմսության Ուոլշ ընտանիքի և Ֆրանսիայի Կոնյակ շրջանի Լեգարի ընտանիքի սերտ համագործակցության շնորհիվ:

Վիսկիի անունը թարգմանվում է որպես «Գրողի արցունքներ»՝ պոետիկ և միևնույն ժամանակ հումորային անվանում: Արտադրողը նույնիսկ թվարկել է «արցունք նվիրողներին»՝ իռլանդական գրականության մարգարիտներին, որոնք ամենահներից են աշխարհում։ 

1999 թվականին հիմնելով Walsh Whisky-ն՝ Բեռնարդ և Ռոզմարի Ուոլշը սկիզբ դրեցին լավագույն վիսկի ստեղծելու կյանքի ճամփորդության։ Նրանք ստեղծեցին միջազգային ճանաչում ունեցող գերպրեմիում, մրցանակակիր վիսկիներ՝ The Irishman և Writers’ Tears։ Երկու ապրանքանիշերն էլ առաջարկում են համային դրսևորումներ, որոնք եզակի են 19-րդ դարի ավանդական իռլանդական վիսկիի բաղադրատոմսերի վերականգնմամբ՝ վիսկի թորման Իռլանդիայի ոսկե դարաշրջանից: Պահպանելով ավանդույթները՝ Բերնարդն ու Ռոզմարին նաև հանդես են գալիս իսկապես նորարարական լուծումներով՝ ժամանակակից դարաշրջանի և քիմքի համար:

Writer's Tears Double Oak-ն արժանացել է բազմաթիվ մրցանակների․ Կրկնակի ոսկե մեդալ «International Spirits Challenge, 2019» և ոսկե մեդալ «World Spirits Competition, 2020»: