Մուգ կարմիր գինին հագեցած է սև մրգերի և հատապտուղների քաղցրությամբ: Քիմքին բալանսավորված է՝ թթվային երանգների շնորհիվ: Կարելի է զգալ կաղնու, մոշի և բալի նոտաները: Կառուցվածքում գինին մարմնեղ է և բարդ:

Գինին հրաշալի համադրվում է մսեղենի հետ:

Բերքահավաքն իրականացվում է բացառապես ձեռքով: Հաջորդիվ խաղողը չորացվում է երկու ամիս շարունակ: Պատրաստման գործընթացի հաջորդ փուլում կատարվում է ֆերմենտացիա 25-26°C ջերմաստիճանում, որը տևում է 10 օր: Վերջնական փուլում տեղի է ունենում մալոլակտիկ խմորումը:

Հնացումն իրականացվում է չժանգոտվող պողպատե պահամաններում:

Խաղողի այգիները գտնվում են ծովի մակարդակից 100-320 մետր բարձրության վրա: Այստեղ կավի պարունակությունը հողում հրաշալի պայմաններ է ստեղծում գինու համար իդեալական խաղող աճեցնելու համար:

Caviro-ն հիմնադրվել է 1966 թվականին Իտալիայի Ֆաենցա քաղաքում, որը հայտնի է իր բարձրորակ խաղողով և գինիներով: Տարիների ընթացքում ընկերությունն զգալիորեն աճել է և այժմ արտահանում է իր արտադրանքն ավելի քան 80 երկիր: Այսօր այն Իտալիայի մեծ գինեգործարաններից մեկն է և երկրում ալկոհոլի արտադրության առաջատարը: Caviro Extra Spa-ն՝ խմբի դուստր ձեռնարկությունն է: Caviro-ն նաև համաշխարհային առաջատարն է բնական գինեթթվի արտադրության ոլորտում: Բացի այդ, ընկերությունը համագործակցում է Enomondo-ի հետ՝ վերականգնվող էներգիայի աղբյուրներ արտադրելու համար: Ներկայում Caviro կոոպերատիվին են պատկանում այնպիսի մեծ գինեգործական ենթաընկերություններ, ինչպիսիք են Aprimondo-ն, Terre Forti-ն և Leondardo da Vinci-ն: