Տենուտա Ֆրեսկոբալդի դի Կաստիլիոնի

Գինին կարմիր է՝ մանուշակագույն երանգներով։ Վառ բույրում բացահայտվում են ելակի, հաղարջի, անիսոնի, դարչինի և կակաոյի նուրբ նոտաներ: Քիմքին կլոր է, հագեցած ու խիտ կառուցվածքով, հասուն տանիններով և երկարատև, թարմացնող հետհամով։

Լավ է համադրվում նապաստակի, վարազի, տապակած կամ շոգեխաշած մսի և հասուն, անուշաբույր պանիրների հետ:

Խմորումն իրականացվում է չժանգոտվող պողպատե պահամաններում` 28°С ջերմաստիճանում։

12 ամիս հնացվում է կաղնեփայտե տակառներում:

Տնտեսության ընդհանուր տարածքը 513 հա է, իսկ խաղողի այգիները զբաղեցնում են դրա միայն մեկ հինգերորդը (130 հա)։ Հողերը խառը ու կավաքարային են։

Tenuta di Castiglioni-ն գտնվում է Chianti-ի սրտում` Ֆլորենցիայից հարավ-արևմուտք: Ընտանեկան արխիվի փաստաթղթերը վկայում են այն մասին, որ Castillone Valis Pesae 1092 թվականից ի վեր պատկանել է Ֆրեսկոբալդիի մարկիզներին: Այս կալվածքն առաջիններից մեկն էր, որը սկիզբ դրեց մարկիզների 700-տարվա գինեգործական պատմությանը։

Frescobaldi ընտանիքը Իտալիայի գինեգործական ամենահին և հեղինակավոր երկու ազնվատոհմերից մեկն է: Ֆրեսկոբալդիները ծագումով Ֆլորենցիայից են և այժմ էլ նրանց գործունեությունը ծավալվում է Տոսկանայում՝ Իտալիայի №1 գինեգործական տարածաշրջանում: Այստեղ նրանց պատկանում է 7 կալվածք, ինչը թույլ է տալիս լիարժեք բացահայտել Տոսկանայի բոլոր տերուարները: