Գինին մուգ կարմիր է՝ մանուշակագույն երանգներով: Բույրն արտահայտված է հասած բալի, սև հաղարջի և թթի դոշաբի նոտաներով: Քիմքին բալանսավորված է՝ թավշյա տանիններով և հաճելի, երկարատև հետհամով:

Գինին լավ համադրվում է հնացված պանրի, սալյամիի, սթեյքի, խորոված ձկան հետ:

Այս գինին պատրաստված է 2020 թ.-ի բերքից, ավանդական եղանակով, ինքնաբուխ խմորմամբ՝ առանց կոմերցիոն խմորիչների և սուլֆիտների հավելումների:

Հնացվում է շուրջ 1 տարի՝ արցախյան կաղնե տակառներում:

Խաղողի այգիները գտնվում են Արմավիրի մարզում, որտեղ գերակշռում են ավազակավային հողերը։

Վանի շրջանում գտնվող Ալյուր գյուղից է սկիզբ առել Մաչանյան ընտանիքի գինու պատրաստման ամենամյա ավանդույթը: Ընկերության ղեկավարն է Սամվել Մաչանյանը՝ կրթությամբ ֆինանսիստ, օրգանական գինեգործության գաղափարների սիրահար։ Ընկերությանը պատկանում է 5 հա հողատարածք, որը գտնվում է ծովի մակարդակից 900 մետր բարձրության վրա։ Իմանալ ավելին