Ոսկեվազ, Վինտաժ Հաղթանակ - Միլաղ

Մուգ մանուշակագույն երանգներով կարմիր գինու ինտենսիվ բույրն արտահայտված է սալորաչրի, հատապտղային ջեմի, բոված սուրճի հատիկների, լակրիցայի, կաշվի և փայտային ծխի նոտաներով: Քիմքին թավշյա է՝ մրգային-կծու շեշտադրումներով, թարմ թթվայնությամբ և կաղնու, համեմունքների նյուանսներով հարուստ, երկարատև, չոր հետհամով:

Գինին հիանալի համադրվում է մսային ուտեստների, որսի մսի, ինչպես նաև պանիրների հետ:

Արտահայտիչ համով և հարուստ բույրով կարմիր չոր գինի, որի արտադրության մեջ օգտագործվում են Հաղթանակ և Միլաղ (Սև Կախեթ) սորտերի խաղողներ՝ աճեցված Արագածոտնի մարզի խաղողի այգիներում։ Բերքահավաքը բացառապես ձեռքով է։ Գինու արտադրության մեջ օգտագործվում է հին տեխնոլոգիա, որը ենթադրում է խմորում (վինիֆիկացիա) խաղողի կեղևի հետ շփման միջոցով:

12 ամիս հնացում հայկական կաղնե տակառներում:

«Ոսկեվազի Գինու Գործարան»-ը գտնվում է Արագածոտնի մարզի նույնանուն գյուղում: Զարմանահրաշ գեղեցկությամբ օժտված Հայաստանում ամենաբարձր լեռան` Արագածի  մերձակայքը կրում է իր մեջ հայկական քաղաքակրթության զարգացման նախկին ժամանակաշրջանների շերտերը: Գործարանից ընդամենը մի քանի կիլոմետր հեռավորության վրա՝ Քասախի կիրճի եզրին, 5-7-րդ դարերում կառուցված «Բադալի Ժամ» եկեղեցու ավերակներն են: Մոտակայքում հայտնաբերվել են հողի մեջ թաղված կարասի մնացորդներ, որոնց մեջ գինի էին պահում:

Ոսկեվազ գինեգործարանը հիմնադրվել է դեռևս 1932 թվականին: Ժամանակակից բոլոր նորարարությունների հետ միասին այն զգուշորեն պահպանել է իր վավերական տարրերի մեծ մասը՝ ներառյալ շենքերը: Այսօր գործարանի տարածքում տարվում են բազմաթիվ շինարարական աշխատանքներ, որպեսզի ստեղծվի նոր, նմանը չունեցող, յուրօրինակ զբոսաշրջային համալիր: Գործարանն իր վերածնունդն ապրեց 2004 թվականին: Այսօր Ոսկեվազը ստեղծում է գինիներ, որոնք արտադրվում են ինչպես ժամանակակից գինեգործական մեթոդներով, այնպես էլ օգտագործելով հին ավանդական կարասները, որոնք ստեղծվել են դեռևս 19-րդ դարավերջին: Պարբերաբար բարելավելով և կատարելագործելով սեփական արտադրության որակը, ինչպես նաև յուրաքանչյուր տարի ընդլայնելով արտադրվող խմիչքի նմուշակազմը` «Ոսկեվազի Գինու Գործարան»-ը կատարում է իր յուրօրինակ ներդրումը գինիների աշխարհում: