Հարդիս HRB Ռիսլինգ

Գինին բաց ծղոտագույն է կանաչավուն արտացոլանքներով։ Բույրը հարուստ է կիտրոնի և ցիտրուսային մրգերի երանգներով։ Վառ համում զգալի են լայմի և վարդագույն գրեյպֆրուտի արտահայտիչ նոտաներ, նուրբ հանքայնություն և հավասարակշռված թթվայնություն:

Հիանալի համադրվում է ծովամթերքի ու ասիական խոհանոցի ուտեստների հետ:

Բերքահավաքն իրականացվում է բացառապես ձեռքով։  Խմորումը տեղի է ունենում չժանգոտվող պողպատե պահամաններում։  

Hardys-ի պատմությունը սկսվել է դեռևս 1850 թ.-ին, երբ երկար ծովային ճանապարհորդությունից հետո երիտասարդ անգլիացի Թոմաս Հարդին ոտք դրեց Ավստրալական մայրցամաք։ Մի քանի տարի հետո Հարդին ստեղծեց սեփական գինեգործական բիզնեսը, հավանաբար, պատկերացում անգամ չունենալով, որ կդառնա «Հարավային Ավստրալիայի գինեգործության հայրը»: Այժմ գինու արտադրության մեջ լավագույն տեխնոլոգիաների կիրառման և խիստ ստանդարտների պահպանման շնորհիվ ընկերությունն արտադրում է հիանալի գինիներ՝ ներառյալ լեգենդար «Nottage Hill», «Eileen Hardy», «William Hardy» շարքերը: Գինու գերազանց որակի մասին են խոսում նաև ստացած բազմաթիվ մրցանակները, որոնցից 54-ը` ոսկի: Hardys-ն ամեն տարի վաճառում է ավելի քան 100 միլիոն շիշ ազնվական ըմպելիք՝ աշխարհի շուրջ 120 երկրներում: Թոմաս Հարդիի նվիրական երազանքը, որ իր գինին վայելեն ոչ միայն Ավստրալիայում, այլև ողջ աշխարհում, ի կատար է ածվել: