Ավստրալական Grant Burge գինեգործական բրենդը հիմնադրվել է 1988 թվականին Գրանտ Բուրջի և իր կնոջ` Հելենի ջանքերով Ադելաիդայից 80 կմ դեպի հյուսիս գտնվող Բարոսա հովտում։ Այս տարածաշրջանի գինիները մեծ ճանաչում են ձեռք բերել աշխարհում՝ գինեգործների ջանքերի և գինիների անփոփոխ որակի շնորհիվ: Հետաքրքիր է, որ գինեգործական այս ընկերությունն իրականում դարավոր պատմություն ունի, որը սկիզբ է առնում 1855 թվականից, երբ Գրանտի նախապապը՝ Ջոն Բուրջը լքեց Անգլիան և իր ընտանիքի հետ հաստատվեց Հարավային Ավստրալիայում և սկսեց զբաղվել գինեգործությամբ։ Ջոնի Բուրջի ավանդույթը շարունակեց որդին՝ Մեշահը, համախմբելով իր շուրջ ֆերմերների։ Շատ ժամանակ չանցած՝ ընկերության լավագույն խաղողի այգիներից մեկը ստացավ վերջինիս անունը: Տարիներ անց՝ 1916 թ., Մեշահի ավագ որդին հինադրեց Վիլսֆորդի գինեգործարանը (Wilsford Winery)՝ ամրպանդելով ընտանեկան գինեգործության ավանդույթները: Խաղողագործության և գինեգործության հանդեպ սերը փոխանցվեց սերնդեսերունդ և հասավ 21-րդ դար։ Ընկերությանը պատկանող 400 հեկտար հողատարածքից 18 հա զբաղեցնում են խաղողի այգիները, որոնցից յուրաքանչյուրն առանձնանում է ոչ միայն իր յուրահատուկ տերուարով, այլև խաղողի տարիքի բազմազանությամբ: