Անգոստուրայի պատմությունը սկսվում է բժիշկ Յոհան Գոտլիբ Բենջամին Զիգերտից։ Նա հետաքրքրասեր և սուր մտքով  մի գիտնական էր, ով չորս տարի արևադարձային բույսերը ուսումնասիրելուց և վերլուծելուց հետո ստեղծեց յուրահատուկ բուսական բալասան(բիթեր), որը նա անվանեց “Amargo Aromatico”: Նա սկսեց այն օգտագործել բուժական նպատակներով՝ սկզբում ընտանեկան շրջապատում, իսկ հետո՝ հիվանդանոցում։ Իր զարմանալի բուժիչ հատկությունների շնորհիվ բիթերն արագ համբավ ձեռք բերեց սկզբում Անգոստուրայում, իսկ ավելի ուշ՝ ամբողջ աշխարհում: Արդեն 1830 թվականին դոկտոր Զիգերտը արտահանեց եզակի “Amargo Aromatico”-ն Անգլիա և Տրինիդադ, իսկ 1850 թվականին թոշակի անցավ, որպեսզի կենտրոնանա բիթերի արտադրության վրա, քանի որ այդ ժամանակ պահանջարկը զգալիորեն գերազանցում էր առաջարկին: 1870 թվականին Անգոստուրայից բերված բալզամը (դառը) Կառլոս Զիգերտի ջանքերի շնորհիվ ձեռք բերեց միջազգային համբավ։ Հետագայում ընկերությունը զգալիորեն ընդլայնեց իր տեսականին, և նրա բիթերները սկսեցին օգտագործվել ոչ միայն բժշկական նպատակներով, այլ նաև որպես բազմաթիվ ալկոհոլային կոկտեյլների բաղադրիչ: