Ապրիմոնդո Պրիմիտիվո Դե Ուվե Լեգերմենտե Ապասիտե Ռոզե

Այս գինու համային և բուրային պալետներն արտահայտում են դրա գույնին համապատասխան վարդի երանգներ: Ծաղկային նյուանսներին հաջորդում են կարմիր մրգերի և հատապտուղների նոտաները՝ նռան դոմինանտությամբ: Գինին կառուցվածքով հավասարակշված է և թարմ:

Վարդագույն գինու համային երանգները կարելի է լրացնել թեթև աղցաններով, պաստայով և նախուտեստներով:

Բերքահավաքից հետո խաղողի ողկույզները մի փոքր չորացվում են: Այնուհետև խմորվում են կեղևի հետ միասին, որին էլ հաջորդում է վերահսկվող ջերմաստիճանում մացերացիան:

Լավ որակի գինի ստանալու համար այն հնացվում է չժանգոտվող պողպատե պահամաններում:

Խաղողի այգիները գտնվում են ծովի մակարդակից 200-300 մետր բարձրության վրա: Այստեղ կավի պարունակությունը հողում հրաշալի պայմաններ է ստեղծում գինու համար իդեալական խաղող աճեցնելու համար:

Caviro-ն հիմնադրվել է 1966 թվականին Իտալիայի Ֆաենցա քաղաքում, որը հայտնի է իր բարձրորակ խաղողով և գինիներով: Տարիների ընթացքում ընկերությունն զգալիորեն աճել է և այժմ արտահանում է իր արտադրանքն ավելի քան 80 երկիր: Այսօր այն Իտալիայի մեծ գինեգործարաններից մեկն է և երկրում ալկոհոլի արտադրության առաջատարը: Caviro Extra Spa-ն՝ խմբի դուստր ձեռնարկությունն է: Caviro-ն նաև համաշխարհային առաջատարն է բնական գինեթթվի արտադրության ոլորտում: Բացի այդ, ընկերությունը համագործակցում է Enomondo-ի հետ՝ վերականգնվող էներգիայի աղբյուրներ արտադրելու համար: Ներկայում Caviro կոոպերատիվին են պատկանում այնպիսի մեծ գինեգործական ենթաընկերություններ, ինչպիսիք են Aprimondo-ն, Terre Forti-ն և Leondardo da Vinci-ն: