Հարուստ բույրում նարնջի ծաղկի դասական նոտաները համադրված են ցիտրուսային ու էկզոտիկ նրբերանգների հետ: Քիմքին մրգային և ծաղկային ակնարկները կրկին հայտնվում են ընդգծված թարմությամբ, ինտենսիվությամբ և հաճելի հանքային ավարտով:

Լավ համադրվում է տարատեսակ տապակած ձկան և սպիտակ սոուսով պաստայի հետ:

Խաղողները հավաքվում են ձեռքով՝ լավագույն որակ ապահովելու համար: Գինու պատրաստման ընթացքում օգտագործվում են պողպատե պահամաններ:

2 ամիս հնացում պողպատե պահամաններում մինչ թողարկումը:

Բերքը հավաքվում է հրաբխային հողում գտնվող Պանտելերիա կղզու խաղողի այգիներից:

Գինին կրում է Ջուզեպպե Թոմասի դի Լամպեդուզանի վեպի գլխավոր կերպարի` կախարդական ջրահարս Լիգեայի անվանումը: Յուրահատուկ պիտակի վրա պահպանվել են Պանտելերիա կղզու հազարավոր երանգները:

Donnafugata իտալերենից թարգմանաբար նշանակում է «փախչող կին»: Կա մի լեգենդ թագուհի Մարիա Կարոլինայի փախուստի մասին, ով փախել է Նեապոլից և ապաստան գտել Սանտա Մարգարիտա Բելիցե հովտի կենտրոնական քաղաքում՝ աստղային երկնքի տակ գտնվող պալատում: Արտադրանքի պիտակների վրա նաև կարելի է նկատել կնոջ՝ քամուց օրորվող մազերը: Donnafugata-ն հիմնադրվել է Սիցիլիայում մի ընտանիքի կողմից, որը խաղողագործության հանդեպ մեծ սիրո շնորհիվ կարողացել է վերափոխել սիցիլիական գինու ոճն ու ընկալումը ողջ աշխարհում: Ջակոմո Ռալլոն՝ որակյալ գինիների արտադրության ավելի քան 170 տարվա փորձ ունեցող ընտանիքի չորրորդ սերունդը, հիմնադրել է Donnafugata-ն 1983 թվականին իր կնոջ՝ Գաբրիելլայի հետ, որը Սիցիլիայում խաղողագործության ռահվիրա էր (ղեկավար): Այսօր նրանց երեխաները՝ Խոսեն և Անտոնիոն, ղեկավարում են ընկերությունը և գերազանցության ձգտող աշխատակիցների ահռելի թիմը։