Գինին մուգ կարմիր է: Բույրում նկատելի են կարմիր մրգերի գայթակղիչ, հյութալի նոտաներ, որոնք հաճելիորեն ձուլվել են կծու և ծխախոտային երանգների հետ: Թարմացնող համում զգալի են մուգ սալորի, նռան, սև հաղարջի, համեմունքների, շոկոլադի և փայտի նրբերանգներ: Հետհամը երկար է՝ տանինները կլոր: 

Գինին լավ է համադրվում նարնջի սոուսով բադի, տապակած կարմիր մսի, հնացված պինդ պանիրների հետ:

Բերքի մի մասը ենթարկվում է սառը մացերացիայի, այնուհետև ալկոհոլային խմորման: Մալոլակտիկ խմորումը մասամբ տեղի է ունենում կաղնեփայտե տակառներում:

Գինին 12-14 ամիս հնացվում է կաղնեփայտե տակառներում, որոնց 30%-ը նոր են: Տակառի ընտրությունը կատարվում է շատ ուշադիր՝ հաշվի առնելով փայտի որակը և տեսակը: Երկար հասունացման շնորհիվ գինին ձեռք է բերում լավ կառուցվածք, խտություն ու լավ պահպանման պոտենցիալ:

Հողը շատ բազմազան է. կան և՛ քարքարոտ տարածքներ և՛ կարբոնատե-կրաքարային հողեր:

1840թ.- ին հիմնադրված Dourthe-ը ներկայումս Բորդոյի խոշորագույն գինեգործական ընկերություններից մեկն է: Գինեգործական աշխարհում բարձրագույն հեղինակություն վայելող այս ընկերությունն ունի խաղողի այգիներ և կալվածքներ (Chateau) Բորդոյի բոլոր գլխավոր տերուարներում: Իմանալ ավելին