Գինին ռուբինագույն է՝ կարմրավուն երանգներով: Բույրն արտահայտվում է սև մրգերի, քաղցր համեմունքների, էվկալիպտի, վանիլի և սուրճի նուրբ նոտաներով։ Քիմքին հավասարակշռված է և ներդաշնակ՝ քաղցր, փափուկ տանիններով: Հետհամում նկատելի են մրգերի, համեմունքների և բոված սուրճի ակնարկներ։

Գինին արտասովոր է ինքն իրենով, լավ համադրվում է տապակած կամ շոգեխաշած կարմիր մսի, ինչպես նաև հասուն պանիրների հետ։

«Պատրիմո»-ի ստեղծման ընթացում Merlot-ը շուրջ երեք շաբաթ ենթարկվում է խմորման և մացերացիայի պողպատե պահամաններում։

Գինին 18 ամիս հնացվում է միջին այրվածության ֆրանսիական կաղնե տակառներում և 10 ամիս՝ շշում:

Խաղողի այգիները գտնվում են Իրպինիայում՝ ծովի մակարդակից 350-ից 700 մետր բարձրության վրա։ 

«Պատրիմո»-ն արտասովոր, ինտենսիվ, յուրահատուկ գինի է, որը ստեղծվել է Իրպինիայի սրտում «պատահաբար» հայտնաբերված խաղողի այգիների շնորհիվ: Այս տերուարում էլ աճեցված Merlot-ը ստանում է իր առանձնահատուկ համնուհոտը:

1986 թվականին հիմնադրված Feudi di San Gregorio գինեգործարանը դարձել է Հարավային Իտալիայի գինիների և գինու մշակույթի վերածննդի խորհրդանիշ: Այսօր գինեգործարանը մեծ հեղինակություն է ձեռք բերել ողջ աշխարհում՝ որպես Իտալիայի առավել դինամիկ զարգացող ընկերություններից մեկը՝ կենտրոնանալով գինիների որակի, վայրի-բնական խմորման և նորարարական տեխնոլոգիաների կիրառման վրա: Իմանալ ավելին