Ֆրեսկոբալդի Ռիպե Ալ Կոնվենտո Կաստելջոկոնդո Ռիզերվա

Վառ կարմիր գինին ունի ռուբինագույն փայլուն երանգներ: Բալի, կարմիր հաղարջի և մոշի համային նրբերանգները բացվում են քիմքին առաջին իսկ ումպից: Դրան հաջորդում են ծխախոտի և սև թեյի յուրօրինակ ակնարկները: Կառուցվածքում գինին հիանալիորեն բալանսավորված է՝ թթվային, տանիններով հարուստ և երկարատև հետհամով:

Այս կարմիր գինու համային առանձնահատկությունները հիանալիորեն ընդգծվում են որսի մսի և հասուն պանիրների հետ ըմպելիս:

Խաղողը հավաքվում և անցնում է երկրորդական սորտավորում միմիայն ձեռքով՝ ապահովելով լավագույն բերքի ընտրություն: Խմորման ընթացքում պահպանվում է հատուկ ջերմաստիճան:

Գինին հնացվում է կաղնե տակառներում: Այն պատրաստ է վաճառքի միայն բերքահավաքից 6 տարի հետո, որին նաև հաջորդում է մի քանի ամիս հնացումը շշերում:

Սանջովեզե խաղողի այգիները, որոնք օգտագործվում են գինին պատրաստելու համար, գտնվում են ծովի մակարդակից 450-500 մետր բարձրության վրա:

Castelgiocondo ամրոցը գտնվում է Մոնտալչինոյում՝ Տիրենյան ծովից 40 կմ հեռավորության վրա։ Այն կառուցվել է 1100 թվականին՝ Տալամոնից Սիենա տանող ճանապարհը պաշտպանելու համար։ Ֆրեսկոբալդի ընտանիքը այն ձեռք է բերել ընդարձակ խաղողի այգիների հետ միասին, 1989 թվականին: Castelgiocondo-ն առաջին տնտեսություններից է, որտեղ անցյալ դարի վերջին արտադրվել և շշալցվել է Բրունելոն: Տնտեսությանն են պատկանում նաև Բրունելլո դի Մոնտալչինոյի ամենամեծ այգիները՝ մոտ 152 հեկտար։

Frescobaldi ընտանիքը Իտալիայի գինեգործական ամենահին և հեղինակավոր երկու ազնվատոհմերից մեկն է: Ֆրեսկոբալդիները ծագումով Ֆլորենցիայից են և այժմ էլ նրանց գործունեությունը ծավալվում է Տոսկանայում՝ Իտալիայի №1 գինեգործական տարածաշրջանում: Այստեղ նրանց պատկանում է 7 կալվածք, ինչը թույլ է տալիս լիարժեք բացահայտել Տոսկանայի բոլոր տերուարները: