Գինին ունի ծղոտե-ոսկեգույն երանգ: Ներդաշնակ ու թարմ բույրը լի է դեղձի, կիտրոնի, հանքանյութերի և գարնանային ծաղիկների նրբերանգներով։ Քիմքին թարմ է, հագեցած ու կլոր՝ մրգային, համեմունքային և թթվային ակնարկներով, որն ավարտվում է մաքուր հետհամով: 

Գինին գերազանց ապերիտիվ է, ինչպես նաև հրաշալի համադրվում է այծի պանրի, ձկան և ծովամթերքի հետ:

Գինանյութի մի մասը խմորվում է չժանգոտվող պողպատե պահամաններում, իսկ մյուսը՝ կաղնեփայտե տակառներում և բարիկաներում: Գինու միայն մի մասն է անցնում մալոլակտիկ խմորում։ 

Գինին 8 ամիս հնացվում է կաղնեփայտե տակառներում։  

«Լաֆոա»-ն խաղողի այգու անվանում է, որը գտնվում է Կոլտերենցիո և Կորնայանո գյուղերի միջև գտնվող բլրի վրա` ծովի մակարդակից 430 մ բարձրության վրա։

Հարավային Տիրոլի գինեգործության առաջամարտիկներից Colterenzio-ն հիմնվել է 1960 թվականին և այսօր բաղկացած է 290 անդամներից։ 1980 թվականին ընկերության տնօրեն Լուիս Ռայֆեռը նոր մոտեցումներ մտցրեց իտալական գինեգործության մեջ․ նա սկսեց սպիտակ խաղողի խմորումն ու կարմիրի հնացումը անցկացնել տակառներում։ Իտալիայում քչերը կարող են համեմատվել այս ընկերության հետ գինիների ոճի և որակի բազմազանությամբ: Իմանալ ավելին