Գինին ունի մուգ կարմիր, փայլուն երանգ: Բույրի մեջ զգալի են սև հատապտուղներ ու համեմունքներ: Կլորավուն է, հարուստ ու պիկանտ համով: Տանինները թեև նուրբ են, միևնույն ժամանակ բավականին զգալի: Գինին բնութագրվում է բույրի ինտենսիվությամբ ու ջերմությամբ: Տանինների ու մրգայնության իդեալական բալանսի շնորհիվ նրբագեղ է ու էլեգանտ:

Լավ է համադրվում սառը մսային նախուտեստների, կարմիր մսի, որսի մսի ու պանիրների հետ:

Ձեռքով հավաքված խաղողը ենթարկվում է երկար մացերացիայի և խմորվում չժանգոտվող պողպատե պահամաններում։

18 ամիս հնացում կաղնեփայտե տակառներում: 

Այս գինին Գիգալի դասական գինիների շարքից է: Ասամբլաժում գերակշռում է Սիրան, որն օգտագործվում է Ռոնի ավելի հեղինակավոր՝ Կոտ-Ռոտի և Էրմիտաժ ապելասիոնների գինիներում: Գինու սիրահարները կգնահատեն Գրենաշի ու Սիրայի վառ համադրությունը:

Խաղողը հավաքում են Հարավային Ռոնի տարբեր այգիներից, որտեղ ընդերքը հարուստ է նստվածքային ալուվիալ, գրանիտա-կրաքային ու խճաքարային շերտով: Վազերի միջին տարիքը 35 տարի է:

1946 թ.-ին ֆրանսիական Ամպյուի հին գյուղակում Էտյեն Գիգալը հիմնեց իր գինեգործարանը, որն այսօր հայտնի է ամբողջ աշխարհում: Էտյենի որդին՝ Մարսել Գիգալը, սկսեց աշխատել և օգնել հորը բավական երիտասարդ տարիքում՝ ի վերջո փոխարինելով տարեց, հանկարծակի կուրացած Էտյենին: Ընտանեկան բիզնեսում Մարսելը ներդրել է ոչ միայն իր ամբողջ ներուժը, այլև սիրտն ու հոգին: Այսօր ընտանեկան գինեգործության ավանդույթը շարունակում է Մարսելի որդին՝ Ֆիլիպ Գիգալը, ով ընկերությունում զբաղեցնում է գլխավոր էնոլոգի պաշտոնը: E.Guigal ընկերությանն են պատկանում իսկապես եզակի խաղողի այգիներ, դրանցից ամենահինը Ֆրանսիայում տնկվել է ավելի քան 2400 տարի առաջ: Իմանալ ավելին