Գինին բաց ոսկեգույն է ու փայլուն: Արտահայտիչ բույրի մեջ զգալի են սպիտակ ծաղիկների ու մրգերի ակնարկներ: Հարուստ է և էլեգանտ՝ քիմքին սահուն ու թարմացնող: Երկար հետհամում կարելի է որսալ համեմունքների ու ընկույզի նոտաներ:

Լավ է համադրվում նախուտեստների, աղի պատյանով ձկան, սուշիի և սաշիմիի, ինչպես նաև այծի պանիրների հետ:

Մանրակրկիտ, ձեռքով տեսակավորում, խմորում  չժանգոտվող պողպատե պահամաններում՝ 18°C ջերմաստիճանում:

Գինու ¼-ը 8 ամիս հնացվում է կաղնեփայտե տակառներում, որոնց կեսը նոր է:

Ընդերքը հարուստ է խճաքարով ու կարմիր կավով, վազերի միջին տարիքը 35 տարի է:

1946 թ.-ին ֆրանսիական Ամպյուի հին գյուղակում Էտյեն Գիգալը հիմնեց իր գինեգործարանը, որն այսօր հայտնի է ամբողջ աշխարհում: Էտյենի որդին՝ Մարսել Գիգալը, սկսեց աշխատել և օգնել հորը բավական երիտասարդ տարիքում՝ ի վերջո փոխարինելով տարեց, հանկարծակի կուրացած Էտյենին: Ընտանեկան բիզնեսում Մարսելը ներդրել է ոչ միայն իր ամբողջ ներուժը, այլև սիրտն ու հոգին: Այսօր ընտանեկան գինեգործության ավանդույթը շարունակում է Մարսելի որդին՝ Ֆիլիպ Գիգալը, ով ընկերությունում զբաղեցնում է գլխավոր էնոլոգի պաշտոնը: E.Guigal ընկերությանն են պատկանում իսկապես եզակի խաղողի այգիներ, դրանցից ամենահինը Ֆրանսիայում տնկվել է ավելի քան 2400 տարի առաջ: