Գինին կարմիր է: Ինստենսիվ բույրն արտահայտված է ծիրանի և նարնջի մրգային նոտաներով: Հաճելի համում անուշաբույր խոտաբուսային նրբերանգները համադրված են մեղրի քաղցր ակնարկների հետ:  Թարմության և քաղցրության հավասարակշռության շնորհիվ այս գինին համարվում է աշխարհի լավագույն և ճանաչված դեսերտային գինիներից մեկը:

Լավ համադրվում է կարամելացված բադի մսի, ֆուա գրայի և կապույտ պանիրների հետ: Գինին հիանալի է նաև հրուշակեղենի և շոկոլադի հետ:

Խմորումը կատարվում է չժանգոտվող պողպատե պահամաններում՝ վերահսկվող ջերմաստիճանի ներքո: Մացերացիայի ընթացքում չորացրած խաղողը ձեռք է բերում իր յուրահատուկ քաղցրությունը, թարմությունն ու տարբերվող բույրը:

8 ամիս հնացում ֆրանսիական կաղնե տակառներում, որից հետո՝ մինչ թողարկումը, կրկին 12 ամիս՝ շշի մեջ:

Ben Ryé-ն աշխարհի ամենագնահատված քաղցր իտալական գինիներից մեկն է: Նուրբ քաղցր գինին արտադրվում է Պանտելերիայում՝ Սիցիլիայի և հյուսիսային Աֆրիկայի միջև գտնվող փոքրիկ կղզում, որը հայտնի է որպես «Միջերկրական ծովի սև մարգարիտ»:

Donnafugata իտալերենից թարգմանաբար նշանակում է «փախչող կին»: Կա մի լեգենդ թագուհի Մարիա Կարոլինայի փախուստի մասին, ով փախել է Նեապոլից և ապաստան գտել Սանտա Մարգարիտա Բելիցե հովտի կենտրոնական քաղաքում՝ աստղային երկնքի տակ գտնվող պալատում: Արտադրանքի պիտակների վրա նաև կարելի է նկատել կնոջ՝ քամուց օրորվող մազերը: Donnafugata-ն հիմնադրվել է Սիցիլիայում մի ընտանիքի կողմից, որը խաղողագործության հանդեպ մեծ սիրո շնորհիվ կարողացել է վերափոխել սիցիլիական գինու ոճն ու ընկալումը ողջ աշխարհում: Ջակոմո Ռալլոն՝ որակյալ գինիների արտադրության ավելի քան 170 տարվա փորձ ունեցող ընտանիքի չորրորդ սերունդը, հիմնադրել է Donnafugata-ն 1983 թվականին իր կնոջ՝ Գաբրիելլայի հետ, որը Սիցիլիայում խաղողագործության ռահվիրա էր (ղեկավար): Այսօր նրանց երեխաները՝ Խոսեն և Անտոնիոն, ղեկավարում են ընկերությունը և գերազանցության ձգտող աշխատակիցների ահռելի թիմը։  Իմանալ ավելին