Գինին շատ մուգ կարմիր է՝ մանուշակագույն երանգներով: Բույրի մեջ գերակշռում են համեմունքների, կարմիր հատապտուղների ու տակառի նուրբ երանգներ: Բերանում կլոր է, հավասարակշռված` մետաքսանման հյուսվածքով, զգալի տանիններով, սև հաղարջի, վանիլի նոտաներով և երկարատև հետհամով: Պիկանտ ու գրավիչ գինու հիանալի օրինակ է: 

Ձեռքով հավաքված խաղողը մանրակրկիտ տեսակավորվում է և մոտավորապես 3 շաբաթ խմորվում չժանգոտվող պողպատե պահամաններում՝ կարգավորվող ջերմաստիճանում:

36 ամիս հնացում կաղնեփայտե տակառներում, որոնց 50%-ը նոր է:

Խաղողն աճում է Հերմիտաժ ապելասիոնի ավազային և ավազախճաքարային հողերում, որոնք հարուստ են գրանիտային շերտով: Վազերի միջին տարիքը 30 տարեկան է:

1946 թ.-ին ֆրանսիական Ամպյուի հին գյուղակում Էտյեն Գիգալը հիմնեց իր գինեգործարանը, որն այսօր հայտնի է ամբողջ աշխարհում: Էտյենի որդին՝ Մարսել Գիգալը, սկսեց աշխատել և օգնել հորը բավական երիտասարդ տարիքում՝ ի վերջո փոխարինելով տարեց, հանկարծակի կուրացած Էտյենին: Ընտանեկան բիզնեսում Մարսելը ներդրել է ոչ միայն իր ամբողջ ներուժը, այլև սիրտն ու հոգին: Այսօր ընտանեկան գինեգործության ավանդույթը շարունակում է Մարսելի որդին՝ Ֆիլիպ Գիգալը, ով ընկերությունում զբաղեցնում է գլխավոր էնոլոգի պաշտոնը: E.Guigal ընկերությանն են պատկանում իսկապես եզակի խաղողի այգիներ, դրանցից ամենահինը Ֆրանսիայում տնկվել է ավելի քան 2400 տարի առաջ: