Գինին մուգ ոսկեգույն է՝ կանաչ արտացոլանքներով: Համի մեջ զգալի են միջերկրածովյան թարմ ծաղիկների, երիցուկի, դեղձի և նարնջի չրի սուր նոտաներ: Փափուկ հետհամում ներդաշնակվում են թարմությունն ու հանքայնությունը։

Հիանալի ընտրություն է սոուսներով համեմված ձկան և գրիլ արված ծովամթերքի հետ վայելելու համար:

Խմորումը պողպատե տարաների մեջ՝ 16-18°C ջերմաստիճանում:

5 ամսվա ընթացքում գինին հնանում է չժանգոտվող պողպատե պահամաններում:

Խաղողի վազերի տարիքը 15-20 տարեկան է։ Այգիները գտնվում են ծովի մակարդակից 650-ից 1650 մետր բարձրության վրա:

Ֆիանո խաղողը հնագույն ժամանակներից աճել է Իրպինիա (տարածաշրջան Կամպանիայում) շրջանի բլուրների վրա։ Արդեն մ.թ.ա III դ. այս տարածքը բնակեցված էր սամնիցիներով, հենց նրանք էլ մշակում էին այս խաղողի տեսակը:

1986 թվականին հիմնադրված Feudi di San Gregorio գինեգործարանը դարձել է հարավային Իտալիայի գինիների և գինու մշակույթի վերածննդի խորհրդանիշ: Այսօր գինեգործարանը մեծ հեղինակություն է ձեռք բերել ողջ աշխարհում՝ որպես Իտալիայի առավել դինամիկ զարգացող ընկերություններից մեկը՝ կենտրոնանալով գինիների որակի, վայրի-բնական խմորման և նորարարական տեխնոլոգիաների կիրառման վրա: Իմանալ ավելին