Նիկ Վայս Ուրբան Ռիսլինգ

Գինին ունի բաց դեղին երանգ։ Բույրը լի է հասած մրգերի ելևէջներով ու հանքային նոտաներով։ Համեմունքային համում զգալի են ցիտրուսային ակնարկներ։ Հետհամը հաճելի է ու երկար։

Իդեալական ապերիտիվ է, լավ է համադրվում նաև ծովամթերքի, ձկների և բանջարեղենի հետ:

Ձեռքով հավաքված խաղողը տեսակավորումից հետո ենթարկվում է նուրբ պրեսացիայի։ Խմորումն ընթանում է չժանգոտվող պողպատե պահամաններում՝ վայրի խմորիչներով։

Ոգեշնչված լինելով Նյու-Յորքի, Լոնդոնի, Մոսկվայի, Փարիզի և շատ այլ քաղաքների «ուրբանիստական ապրելակերպից», գինեգործ Նիկ Վայսը որոշել է կյանքի այս մոտեցումը արտահայտել Urban Riesling գինու միջոցով:

Վայս ընտանիքը դարեր շարունակ զբաղվում է գինեգործությամբ Գերմանիայի ամենահայտնի գինեգործական տարածաշրջանում՝ Մոզելում։ 1947թ․ կառուցված գինեգործարանը կրում է Սբ․ Ուրբանի՝ գինեգործության հովանավոր սրբի անունը։ Ընկերությանն են պատկանում Մոզելի ամենալավ այգիները՝ Զաարֆայլզերը և Օկֆեներ Բոկշտայնը: Համադրելով գինեգործական ժամանակակից տեխնոլոգիներն ու խաղողի հին այգիներից ստացված բերքը՝ ընկերությունը գինեսերներին է ներկայացնում բարձրորակ գինիներ, որոնք միշտ արժանանում են գինու քննադատների բարձր գնահատականին։