Գինին նուրբ վարդագույն է: Համում ու բույրում զգացվում են հյութեղ հատապտուղների, համեմունքների, ծաղիկների և մրգերի նոտաներ: Հաճելի, նուրբ թթվայնությունն ու թարմ մրգայնությունը կատարյալ հարմոնիկ գինի են ստեղծում: 

Կարելի է մատուցել որպես ապերիտիվ, ինչպես նաև՝ համադրել սառը մսային նախուտեստների ու տապակած մսի հետ:  

12-ժամյա մացերացիա, այնուհետև խմորում չժանգոտվող պողպատե պահամաններում՝ 18°C ջերմաստիճանում:

6 ամսվա հնացում չժանգոտվող պողպատե պահամաններում:

Այս գինու երկրպագուների թվում էին ֆրանսիացի թագավորներ Լուի XIV-ը և Ֆիլիպ IV Գեղեցիկը, հայտնի գրողներ Օնորե դը Բալզակը և Էռնեստ Հեմինգուեյը: 

Խաղողն աճում է խճաքարով հարուստ կավային հողերի վրա: Վազերի միջին տարիքը 25 տարի է։

1946 թ.-ին ֆրանսիական Ամպյուի հին գյուղակում Էտյեն Գիգալը հիմնեց իր գինեգործարանը, որն այսօր հայտնի է ամբողջ աշխարհում: Էտյենի որդին՝ Մարսել Գիգալը, սկսեց աշխատել և օգնել հորը բավական երիտասարդ տարիքում՝ ի վերջո փոխարինելով տարեց, հանկարծակի կուրացած Էտյենին: Ընտանեկան բիզնեսում Մարսելը ներդրել է ոչ միայն իր ամբողջ ներուժը, այլև սիրտն ու հոգին: Այսօր ընտանեկան գինեգործության ավանդույթը շարունակում է Մարսելի որդին՝ Ֆիլիպ Գիգալը, ով ընկերությունում զբաղեցնում է գլխավոր էնոլոգի պաշտոնը: E.Guigal ընկերությանն են պատկանում իսկապես եզակի խաղողի այգիներ, դրանցից ամենահինը Ֆրանսիայում տնկվել է ավելի քան 2400 տարի առաջ: