Գինին վարդագույն է՝ թույլ նարնջագույն ու արծաթագույն երանգներով:  Բազմաշերտ բույրում լիչիի, պոմելոյի և բերգամոտի նյուանսները համադրված են ֆրեզիայի և նարնջի նրբերանգների հետ: Քիմքին հարուստ է, ներդաշնակ՝ դեղին կորիզավոր մրգերի և ցիտրուսների հյութալի, դառնավուն նոտաներով: Խորը հետհամը աղի է և հանքային:

Լավ համադրվում է կծու ծովախեցգետնի, սաղմոնի ֆիլեի, բանջարեղենի հետ, ինչպես նաև սերուցքային պանիրների և մրգային հիմքով աղանդերի հետ:

Խաղողի բերքահավաքը տեղի է ունենում գիշերը: Ուղիղ մամլումից և սառը ստաբիլացիայից հետո տեղի է ունենում խմորումը՝ վերահսկվող ջերմաստիճանի ներքո:

Խաղողն աճում է կավե-կրային հողերի վրա՝ ծովի մակարդակից 200 մ բարձրության վրա։

85 միավոր – Mundus Vini, 83,7 միավոր – Concours Mondiale Bruxelles

Սթիվենը շուրջ 15 տարի աշխատել է հեռահաղորդակցության ոլորտում, սակայն միշտ երազել է գինեգործ դառնալու մասին։ 2008 թվականին, երրորդ երեխայի ծնվելուց հետո, նա հրաժարվեց շահութաբեր պայմանագրից և որոշեց հիմնովին փոխել իր ապագան։ 2009 թվականին Սթիվենի ընտանիքը վաճառում է Լոնդոնում գտնվող տունը և տեղափոխվում Ֆրանսիա։ Նրանք, ֆրանսերենի ոչ բավարար իմացությամբ, բնակություն հաստատեցին Կոտինյակ փոքրիկ գյուղում, որը գտնվում էր Պրովանս ապելասիոնի սրտում: Լեզուն սովորելու համար պահանջվեց մեկ տարի: Հաջորդ քայլը գինու սեփական բիզնեսի ստեղծումն էր, որի հիմնական նպատակը վարդագույն գինու արտադրությունն էր։ Առաջին վինտաժը թողարկվեց 2010 թվականին և նույն թվականին պայմանագիր կնքվեց Waitrose UK-ի հետ։ Ընկերությունը շարունակում է միջազգային շուկային ներկայանալ նորանուն ապրանքատեսականիով՝ արժանանալով բարձր գնահատականների: Իմանալ ավելին