Ֆրեսկոբալդի Պերանո Կիանտի Կլասիկո

Գինին ռուբինագույն է՝ մանուշակագույն արտացոլանքներով: Բույրի մեջ զգալի են մոշի, ազնվամորու և բալի ակնարկներ, որոնց հաջորդում են էվկալիպտի, ուրցի և վարդագույն պղպեղի՝ թեթև կծու նոտաները: Լավ հավասարակշռված է, քիմքին՝ թավշանման տանիններով և ներդաշնակ կառուցվածքով: Երկար հետհամում կարելի է որսալ երիտասարդ ընկույզի նուրբ երանգը:

Իդեալական է մսային ռագուների, կարմիր մսի բոլոր տեսակների, ինչպես նաև կիսապինդ և պինդ պանիրների հետ:

Խմորումը տեղի է ունենում չժանգոտվող պողպատե պահամաններում:

24 ամիս տակառներում և չժանգոտվող պողպատե պահամաններում։

Խաղողի այգիները գտնվում են Գայոլե բլուրների վրա՝ Chianti Classico-ի  լավագույն և առաջին գոտիներից մեկում՝ ծովի մակարդակից 500 մ բարձրության վրա։

Ֆրեսկոբալդի ընտանիքը երկար տարիներ ուսումնասիրել է Chianti Classico տարածքը՝ որոնելով կատարյալ տերուար և ընտրել է Tenuta Perano-ն: Խաղողի այգիների յուրահատուկ դասավորությունը՝ բնական ամֆիթատրոնի տեսքով, Սանջովեզեի համար ճիշտ հողը և այգիների լավ լուսավորվածությունն իդեալական են հարուստ, էլեգանտ և բարդ Chianti Classico-ի ստեղծման համար:

Frescobaldi ընտանիքը Իտալիայի գինեգործական ամենահին և հեղինակավոր երկու ազնվատոհմերից մեկն է: Ֆրեսկոբալդիները ծագումով Ֆլորենցիայից են և այժմ էլ նրանց գործունեությունը ծավալվում է Տոսկանայում՝ Իտալիայի №1 գինեգործական տարածաշրջանում: Այստեղ նրանց պատկանում է 7 կալվածք, ինչը թույլ է տալիս լիարժեք բացահայտել Տոսկանայի բոլոր տերուարները: