Լեոնարդո դա Վինչի Ին Ռոմանյե Ռոկա դի Կեսենա Ռիզերվա 2018

Ռուբինագույն երանգներով մուգ կարմիր գինին քթին թողնում է անուշաբույր վանիլի, անտառային կարմիր հատապտուղների և հիրիկի նուրբ երանգներ: Համում հարուստ է տանիններով և հրաշալիորեն բալանսավորված թթվայնությամբ: Հետհամը խորն է և երկարատև:

Այս գինու լավագույն համադրություն են պաստան, տավարի միսը և որսի միսը:

Խաղողները հավաքվում են ձեռքով՝ սեպտեմբեր ամսվան մոտ ժամանակահատվածում: Այնուհետև փոքր-ինչ սեղմված խաղողը ֆերմենտացվում է վերահսկվող ջերմաստիճանում՝ 25-30°C-ում: Գործընթացն ուղեկցվում է բերքի վրա ֆիզիկական ճնշում գործադրելով, որպեսզի ողկույզներից ստացվի անհրաժեշտ գույնն ու համը: Գինու պատրաստման փուլը եզրափակում է մալոլակտիկ խմորումը:

Հնացման համար օգտագործվում են երկու տեսակի ֆրանսիական կաղնե տակառներ՝ հին և նոր: Բարիկներն իրենց հերթին պետք է լինեն միջին բովվածության: Տակառներում հնացումը տևում է առնվազն 2 տարի:

Այգիները գտնվում են ծովի մակարդակից միջինում 100-250 մետր բարձրության վրա: Այստեղ հողը լի է կավային նստվածքներով, քարերով և ավազով:

2019 Berliner Wine Trophy ոսկե մեդալ

Ավելի քան 200 տեղական գինեգործներ միավորվել են՝ 1961 թվականին ստեղծելով «Cantine Leonardo da Vinci» նորարարական կոոպերատիվը, որը նվիրված է իրական տոսկանյան գինու արտադրանքին: Այս պիոներական կոոպերատիվը ներառում է ավելի քան 500 հա խաղողի այգիներ: Խաղողի այգիները տնօրինում են տեղի խաղողագործները Լորենցո Լոչիի և Բրունո Ռոսսետտիի գլխավորությամբ, ովքեր էլ համարվում են Cantine Leonardo da Vinci-ի սիրտն ու հոգին: Լորենցոն, Բրունոն և մյուս բոլոր գինեգործները կազմում են Cantine Leonardo da Vinci կոոպերատիվը և վստահեցնում են, որ DaVinci գինին պատրաստվում է միայն բերքի լավագույն պտուղներով: «Որքան լավն է խաղողը, այնքան լավն է գինին: Մեր գինու յուրաքանչյուր բաժակով դուք կարող եք ճաշակել հաջողության պտուղները:»,- ասում են գինեգործները։