Ֆրեսկոբալդի Կաստելջոկոնդո Բրունելո դի Մոնտալչինո

Գինին ունի մուգ, փայլուն կարմիր գույն։ Բույրերի նուրբ փնջում զգալի են մոշի, սալորի և հաղարջի նրբերանգներ, վառված փայտի և վանիլի նոտաներ: Գինու համը հագեցած է, պարուրող, փափուկ և էլեգանտ՝ թավշյա տանիններով և հյութալի թթվայնությամբ: Երկար, հաճելի հետհամն առանձնանում է քաղցր, մրգային նոտաներով, համեմունքներով և կաղնեփայտի ակնարկներով:

Գինին հիանալի համադրվում է կարմիր մսով ուտեստների, խորոված մսի, տապակած գառան կամ տավարի մսի, թռչնամսի, տապակած որսի մսի ու պանիրների հետ:

Խմորումը տեղի է ունենում չժանգոտվող պողպատե պահամաններում՝ 28°C ջերմաստիճանում։

Գինին 12 ամիս հնացվում է կաղնեփայտե տակառներում (մասամբ նոր, մասամբ օգտագործված):

Հարավ և հարավ-արևմուտք ուղղությամբ 152 հեկտար զբաղեցնող խաղողի այգին գտնվում է ծովի մակարդակից 200-450 մ բարձրության վրա: Հողերը երկու տեսակի են՝ մարգելային և կրաքարա-կավային: Խաղողի վազերի միջին տարիքը՝ 20 տարի:

Castelgiocondo ամրոցը գտնվում է Մոնտալչինոյում՝ Տիրենյան ծովից 40 կմ հեռավորության վրա։ Այն կառուցվել է 1100 թվականին՝ Տալամոնից Սիենա տանող ճանապարհը պաշտպանելու համար։ Ֆրեսկոբալդի ընտանիքը այն ձեռք է բերել ընդարձակ խաղողի այգիների հետ միասին, 1989 թվականին: Castelgiocondo-ն առաջին տնտեսություններից է, որտեղ անցյալ դարի վերջին արտադրվել և շշալցվել է Բրունելոն: Տնտեսությանն են պատկանում նաև Բրունելլո դի Մոնտալչինոյի ամենամեծ այգիները՝ մոտ 152 հեկտար։

Frescobaldi ընտանիքը Իտալիայի գինեգործական ամենահին և հեղինակավոր երկու ազնվատոհմերից մեկն է: Ֆրեսկոբալդիները ծագումով Ֆլորենցիայից են և այժմ էլ նրանց գործունեությունը ծավալվում է Տոսկանայում՝ Իտալիայի №1 գինեգործական տարածաշրջանում: Այստեղ նրանց պատկանում է 7 կալվածք, ինչը թույլ է տալիս լիարժեք բացահայտել Տոսկանայի բոլոր տերուարները: