Ֆրեսկոբալդի Նիպոցանո Մորմորետո

Գինին ունի յուրահատուկ, ինտենսիվ և շողշողացող կարմիր գույն: Բույրի մեջ զգալի են լոռամրգի, ազնվամորու, թզի մուրաբայի և սև բալի մրգային նոտաներ: Դե իսկ թեյի և բոված սուրճի հատիկների երանգները հիանալի ներդաշնակվում են համի մեջ: Գինու բալզամիկ տեքստուրան անչափ տպավորիչ է՝ զգալի թթվայնությամբ, որը նրբագեղորեն համադրվում է ալկոհոլի հետ։ Հասուն, մետաքսանման փափուկ տանինները անվերջ շոյում են քիմքը։

Գինին լավ համադրվում է տապակած, շոգեխաշած նապաստակի, ռոստբիֆի և մարինացված ուտեստների հետ։

Խաղողի յուրաքանչյուր սորտ խմորվում է առանձին․ 15 օր չժանգոտվող պողպատե պահամաններում՝ 35°C-ից ցածր ջերմաստիճանում:

Գինին 24 ամիս հնացվում է կաղնեփայտե տակառների և 6 ամիս շշի մեջ։

Castello di Nipozzano-ի խաղողի այգիները գտնվում են ծովի մակարդակից 280-ից 330 մետր բարձրության վրա և զբաղեցնում են 250 հեկտար՝ հարավարևելյան ուղղությամբ: Հողերը չոր են, քարքարոտ, կավե կրաքարային, լավ ցամաքեցված։

Frescobaldi ընտանիքը Իտալիայի գինեգործական ամենահին և հեղինակավոր երկու ազնվատոհմերից մեկն է: Ֆրեսկոբալդիները ծագումով Ֆլորենցիայից են և այժմ էլ նրանց գործունեությունը ծավալվում է Տոսկանայում՝ Իտալիայի №1 գինեգործական տարածաշրջանում:
Այստեղ նրանց պատկանում է 7 կալվածք, ինչը թույլ է տալիս լիարժեք բացահայտել Տոսկանայի բոլոր տերուարները: