Ֆրեսկոբալդի Պերանո Ռիալզի Կիանտի Կլասիկո Գրան Սելեզիոնե

Ռուբինագույն ընդգծումներով գինու մեջ ամփոփված է ծաղկային և մրգային համերի համադրությունը: Քիմքին անմիջապես զգալի են բալի, դարչինի և գիհի նոտաները: Կառուցվածքը չափազանց հավասարակշռված է՝ թթվային, չոր և, միաժամանակ, նուրբ: Ավարտը կայուն է և երկարատև:

Գինին խորհուրդ է տրվում ըմպել մսային ուտեստների հետ միասին:

Բերքահավաքից հետո հատապտուղները ենթարկվում են ավանդական խմորման, որն իրականացվում է անոթներում և պողպատե պահամաններում՝ վերահսկվող ջերմաստիճանի ներքո: Կեղևով մացերացիան գործընթացի կարևոր մասերից է: 

Գինին 24 ամիս հնացվում է կաղնե տակառներում և 12 ամիս շշերի մեջ՝ գինեգործարանի նկուղներում։

Chianti Classico Tenuta Perano-յի խաղողի այգիները գտնվում են Գայոլե բլուրների վրա՝ Chianti Classico-ի լավագույն և առաջին գոտիներից մեկում՝ ծովի մակարդակից 500 մ բարձրության վրա։

Ֆրեսկոբալդի ընտանիքը երկար տարիներ ուսումնասիրել է Chianti Classico տարածքը՝ որոնելով կատարյալ տերուար և ընտրել է Tenuta Perano-ն: Խաղողի այգիների յուրահատուկ դասավորությունը՝ բնական ամֆիթատրոնի տեսքով, Sangiovese-ի համար իդեալական հողը և այգիների լավ լուսավորվածությունն իդեալական են հարուստ, էլեգանտ և բարդ Chianti Classico-ի ստեղծման համար:

Frescobaldi ընտանիքը Իտալիայի գինեգործական ամենահին և հեղինակավոր երկու ազնվատոհմերից մեկն է: Ֆրեսկոբալդիները ծագումով Ֆլորենցիայից են և այժմ էլ նրանց գործունեությունը ծավալվում է Տոսկանայում՝ Իտալիայի №1 գինեգործական տարածաշրջանում: Այստեղ նրանց պատկանում է 7 կալվածք, ինչը թույլ է տալիս լիարժեք բացահայտել Տոսկանայի բոլոր տերուարները: