Գոնզալես Բիաս Ֆինո Ունա Պալմա

Այս գինին ունի բաց ոսկեգույն երանգ։ Բույրը հագեցած է և սուր՝ բնորոշ Ֆինո տեսակի խերեսին։ Համը հարուստ է՝ չրերի հետաքրքիր նոտաներով, հետհամը փոքր-ինչ կծու և դառնավուն է։

Գինին հիանալի համադրվում է ձկնեղենի, բրնձի և պաստայի, ինչպես նաև Ասիական խոհանոցի ուտեստների հետ: Խորհուրդ է տրվում խերեսը մատուցել ցածր ջերմաստիճանում՝ հատուկ այս խմիչքի համար նախատեսված փոքր բաժակով։

Յուրաքանչյուր մառանի գինի ունի իր առանձնահատուկ համը։ Tio Pepe-ի համար օգտագործվում են տարբեր մառաններում հնացված Amontilliado Fino տեսակի խերեսներ։ Հողի աղիության և բորբոսային խմորիչի շերտի տակ պահվելու շնորհիվ՝ Tio Pepe-ն ունի յուրահատուկ ոճ:

Խերեսը սովորաբար հնացվում է ամերիկյան կաղնեփայտե տակառներում՝ օգտագործելով «Solera-Criadera» տեխնոլոգիան, որը ենթադրում է բերքահավաքի տարբեր տարիների գինիների միաժամանակյա հնեցում։ Տակառների նման բուրգում ներքևի շարքի տակառները կոչվում են «Սոլերա», մնացած շարքերի տակառները՝ «Քրիադերա»։ Խերեսը շշալցվում է «Սոլերա» տակառներից (ներքևի շարք): Խերեսի ընտրված մասը լցվում է բուրգի վերևի շարքի տակառներից և այդպես մինչև ամենավերին շարքը, որի մեջ պահվում է երիտասարդ գինին։ Fino Una Palma-ն հնեցվում է միջինում 6 տարի։

Խերես խաղողի այգիները եզակի են այդ տարածքում: Հողը պարունակում է մինչև 60% կավիճ: Տարածքն ունի յուրահատուկ միկրոկլիմա՝ Ատլանտյան օվկիանոսի և Գվադալկիվիր ու Գվադալետե գետերի ազդեցությամբ։

Tio Pepe Palmas շարքը ներկայանում է չորս գինիներով, որոնք տարբերվում են հնացման աստիճանով․ Fino Una Palma (6 տարեկան), Fino Dos Palmas (8 տարեկան), Fino Tres Palmas (10 տարեկան) և Cuatro Palmas Amontillado (9 տարեկան): Այս շարքի մտահղացումը բավականին հետաքրքիր է և արտացոլում է գինիների հնացման փուլերը՝ Fino-ից մինչև Cuatro Palmas Amontillado։ Հետաքրքիր է հետևել, թե ինչպես է անգամ ամենահին գինին մնում թարմ, համեղ և վայելուչ: 

Gonzalez Byass ընկերությունը հիմնադրվել է 1835 թվականին Մանուել Մարիա Գոնսալես Անխելի կողմից, Իսպանիայի Խերես շրջանում։ 23 տարեկանում նա որոշեց իրեն նվիրել խերեսի և սպիրտային խմիչքների արտադրությանն ու վաճառքին։ 1844 թվականին Տիո Պեպեի խերեսի առաջին տակառներն արտահանվեցին Լոնդոն։ «Տիո Պեպե» անունը հարգանքի տուրք է հիմնադրի հորեղբորը՝ Խոսե Անխելին: Այնուհետև, 1855 թվականին, բրիտանացի դիստրիբյուտոր Ռոբերտ Բլեք Բիասը համագործակցեց ընկերության հետ՝ ամրապնդելու իր բիզնես կապերը Բրիտանիայի հետ, որն այդ ժամանակ խերեսի արտահանման հիմնական շուկան էր: Բիաս և Գոնսալես ընտանիքների միջև առևտրային դաշինքը շարունակվեց մինչև 1988 թվականը, երբ Բիասի ընտանիքը դադարեցրեց բիզնեսը և գինեգործարանը անցավ Մանուել Մարիա Գոնսալեսի անմիջական ժառանգներին: