Գինին նարնջագույն է` մուգ ծղոտագույն երանգով։ Բույրը լի է նարնջի, դեղին մրգերի ու թարմ թխած հացի նոտաներով։ Քիմքին զգալի են դեղին մրգերի ջեմային երանգներ՝ միներալային ակնարկներով։

Հրաշալի համադրվում է խորոված ձկան, սերուցքային սոուսներով պաստաների և չոր պանիրների հետ։

Եթե սպիտակ գինին խմորում և հնացնում են առանց մաշկի ու սերմերի, այսինքն անջատում են միայն քաղցուն` նուրբ գինիներ ստանալու համար, կարմիր գինին հակառակը՝ խմորում են սերմերով, մաշկով և որքան ավելի երկար հնացվի, այնքան ավելի հարուստ և մարմնեղ գինի կստացվի: Օրանժը համադրել է այս երկու տեխնոլոգիաները։

«Նորավանք» գինիների շարքը՝«Մարան» գինեգործարանի առաջին թողարկումը, անվանվել է Վայոց ձորի խաղողի այգիների կողքին գտնվող 13-րդ դարի վանքի անունով։ Այս շարքի առաջին գինին թողարկվել է նորանկախ Հայաստանում, 1991 թվականին: Նորավանք շարքի գինիները հիմնականում թեթև են և չեն հնանում կաղնե տակառներում:

Աղավնաձորի խաղողի այգիներ, Վայոց ձորի մարզ: Բարձրություն՝ 1300-1400 մ, խաղողի վազերի միջին տարիք՝ 40:

Մարանի պատմությունը սկսվել է 1829–1830 թվականներին, երբ Մարան տատն իր ընտանիքի հետ Պարսկաստանից ներգաղթում է Հայաստան՝ Վայոց ձորի մարզ։ 1860 թվականին Մարանի որդին՝ Հարությունը, Արտաբույնք գյուղում խաղողի այգի է տնկում՝ այն անվանելով Մարանի խաղողի այգի՝ ի պատիվ իր մոր։ Երեք տարի անց հիմնվում է Մարան գինեգործարանը։ Իմանալ ավելին