Պապա Ֆիգոս Սպիտակ

Գինին ունի վառ ցիտրուսային գույն։ Հարուստ և բարդ բույրը լի է սպիտակ մրգերի, թեթև ծաղկային և ցիտրուսային երանգներով: Համն ունի կայուն թթվայնություն և մրգերի հիանալի ինտեգրված նոտաներ: Հետհամը թարմ է և շատ ներդաշնակ։

Գինին իդեալական է որպես ապերիտիվ կամ ձկնային ուտեստների և աղցանների ուղեկից:

Խմորումն անցնում է չժանգոտվող պողպատե պահամաններում՝ 28°С ջերմաստիճանում: Պողպատե պահամաններում գինու հնացումը տևում է մոտ 6 ամիս:

Դուորոյի տարածաշրջանի ամենահազվագյուտ և առանձնահատուկ թռչուններից մեկը Օրիոլեն է(պորտուգալերեն՝ «papa-figos»): Այս թռչնի յուրահատուկ բնավորությունը Casa Ferreirinha-ի վերջին գինիների ոգեշնչումն է: Նրբագեղ և միևնույն ժամանակ վառ, դասական, բայց ժամանակակից գինին արտացոլում է Casa Ferreirinha գինեգործության առանցքային արժեքները:

Պորտուգալական Sogrape Vinhos ընկերությունը հիմնադրվել է 1942 թվականին և կարճ ժամանակաշրջանում դարձել Պորտուգալիայի №1 գինի արտադրող ընկերությունը։ Այժմ ընկերության արտադրած գինիները արտահանվում են աշխարհի ավելի քան 120 երկիր: Ընկերությունն ունի 25 կալվածք և 19 գինեգործարան, իսկ խաղողի այգիների ընդհանուր մակերեսը 1600 հեկտար է: