Այս թարմ ու նուրբ վարդագույն գինու համում և բույրում ներդաշնակորեն ձուլվել են կարմիր հատապտուղների, ցիտրուսային մրգերի, ելակի և սեխի ելևէջներ: Միջին մարմնեղության է, ունի հաճելի թթվայնություն ու խիտ հյուսվածք: Հետհամը երկարատև է:

Հիանալի համադրվում է նախուտեստների, գրիլ ձկան, սպիտակ մսի՝ հատկապես թռչնամսի հետ: 

Կարճատև մացերացիա, այնուհետև խմորում չժանգոտող պողպատե պահամաններում՝ 18°C ջերմաստիճանում: 

Խաղողն աճում է կավե-կրաքարային և ալյուվիալ-քարքարոտ հողերի վրա: Վազերի միջին տարիքը 25 տարի է:

1946 թ.-ին ֆրանսիական Ամպյուի հին գյուղակում Էտյեն Գիգալը հիմնեց իր գինեգործարանը, որն այսօր հայտնի է ամբողջ աշխարհում: Էտյենի որդին՝ Մարսել Գիգալը, սկսեց աշխատել և օգնել հորը բավական երիտասարդ տարիքում՝ ի վերջո փոխարինելով տարեց, հանկարծակի կուրացած Էտյենին: Ընտանեկան բիզնեսում Մարսելը ներդրել է ոչ միայն իր ամբողջ ներուժը, այլև սիրտն ու հոգին: Այսօր ընտանեկան գինեգործության ավանդույթը շարունակում է Մարսելի որդին՝ Ֆիլիպ Գիգալը, ով ընկերությունում զբաղեցնում է գլխավոր էնոլոգի պաշտոնը: E.Guigal ընկերությանն են պատկանում իսկապես եզակի խաղողի այգիներ, դրանցից ամենահինը Ֆրանսիայում տնկվել է ավելի քան 2400 տարի առաջ: