Նռնագույն գինու վառ, թարմ բույրում հաղարջի, բալի, մոշի մրգային երանգները համադրված են վանիլի և համեմունքների նոտաների հետ: Քիմքին նուրբ է, թավշյա՝ հատապտուղների, հասած սալորի, նռան, փայտի, շոկոլադի նյուանսներով և միջին տևողության հետհամով:

Խորհուրդ է տրվում համադրել մսային նախուտեստների, փափուկ պանիրների և պաստայի հետ:

Ձեռքով բերքահավաքից հետո պտուղները նրբորեն մանրացվում են, սեղմվում և խմորվում են չժանգոտվող պողպատե մեծ պահամաններում՝ 30°C ջերմաստիճանի ներքո, 8-10 օր:

Հնացումը՝ չժանգոտվող պողպատե պահամաններում:

«Ոսկեվազի Գինու Գործարան»-ը գտնվում է Արագածոտնի մարզի նույնանուն գյուղում: Զարմանահրաշ գեղեցկությամբ օժտված Հայաստանում ամենաբարձր լեռան` Արագածի  մերձակայքը կրում է իր մեջ հայկական քաղաքակրթության զարգացման նախկին ժամանակաշրջանների շերտերը: Գործարանից ընդամենը մի քանի կիլոմետր հեռավորության վրա՝ Քասախի կիրճի եզրին, 5-7-րդ դարերում կառուցված «Բադալի Ժամ» եկեղեցու ավերակներն են: Մոտակայքում հայտնաբերվել են հողի մեջ թաղված կարասի մնացորդներ, որոնց մեջ գինի էին պահում:

Արծաթե մեդալ Արթուր Սարկիսյանի հեղինակած՝ «Հայաստանի գինիները» ուղեցույցի շրջանակներում անցկացված համտես-մրցույթում 2016թ.:

Ոսկեվազ գինեգործարանը հիմնադրվել է դեռևս 1932 թվականին: Ժամանակակից բոլոր նորարարությունների հետ միասին այն զգուշորեն պահպանել է իր վավերական տարրերի մեծ մասը՝ ներառյալ շենքերը: Այսօր գործարանի տարածքում տարվում են բազմաթիվ շինարարական աշխատանքներ, որպեսզի ստեղծվի նոր, նմանը չունեցող, յուրօրինակ զբոսաշրջային համալիր: Գործարանն իր վերածնունդն ապրեց 2004 թվականին: Այսօր Ոսկեվազը ստեղծում է գինիներ, որոնք արտադրվում են ինչպես ժամանակակից գինեգործական մեթոդներով, այնպես էլ օգտագործելով հին ավանդական կարասները, որոնք ստեղծվել են դեռևս 19-րդ դարավերջին: Պարբերաբար բարելավելով և կատարելագործելով սեփական արտադրության որակը, ինչպես նաև յուրաքանչյուր տարի ընդլայնելով արտադրվող խմիչքի նմուշակազմը` «Ոսկեվազի Գինու Գործարան»-ը կատարում է իր յուրօրինակ ներդրումը գինիների աշխարհում: Իմանալ ավելին