Ռոմ Ռոն ռեզերվա 22

Ռոմը վառ սաթագույն է՝ օխրայի նրբերանգով: Հարուստ, բարդ բույրում բացահայտվում են մրգահյութի, վանիլի, դեղձի, կակաոյի, կարամելի, ընկույզի և նուշի, անիսոնի, դարչինի, փայտի, սուրճի, ծխի և ծխախոտի նոտաներ: Ռոմի համը փափուկ է, հարուստ, մետաքսանման՝ բույրին համահունչ, քաղցր մրգային նոտաներով: Երկարաշունչ հետհամի մեջ գերակշռում են վանիլային շոկոլադի, փայտի և սուրճի երանգներ:

Ռոմը խորհուրդ է տրվում մատուցել ինքն իրենով կամ սառույցով։

El Ron Prohibido, Reserva 22-ը բացառիկ մեքսիկական ուլտրա-պրեմիում ռոմ է, որը պատրաստվում է «գուարապո»-ից՝ Վերակրուս նահանգում աճեցված շաքարեղեգի հյութից, որը ստացվում է բերքահավաքից անմիջապես հետո՝ մանրացման գործընթացում: Ռոմը հնացվում է Solera մեթոդով։ Դրա համար ընտրվում են ամերիկյան կաղնեփայտի լավագույն տակառներից 22-ը: Առաջին 4 տակառները լցված են մեքսիկական Զակատեկաս նահանգի ընկույզի միջուկներով, նուշով, պեկան ընկույզով և դեղձով, մնացած տակառները լցված են գուարապոներով։ Խմիչքը տակառներում անցկացնում է առնվազն 18 տարի։ Արդյունքը ոսկե սաթագույն ռոմ է՝ փայլուն օխրայի երանգով և աներևակայելի մետաքսանման համով:

El Ron Prohibido  ընկերությունը հիմնադրվել է մի քանի տարի առաջ՝ լեգենդար Habanero ռոմի արտադրությունը վերականգնելու նպատակով: Այն թարգմանաբար նշանակում է «Արգելված ռոմ»: Ըստ պատմական տեղեկությունների՝ XVIII դարում մեծաքանակ իսպանական նավեր էին ժամանում «Նոր Իսպանիա» (Մեքսիկայի հին անվանումը): Որպեսզի նավաստիները դատարկաձեռն տուն չվերադառնային, վերջիններս բեռնում էին նավերը «Chinguirito» ռոմով: Նավարկության ընթացքում խմիչքը ստանում էր փայտի և չրի նրբահամ երանգներ, ինչի արդյունքում այն մեծ ճանաչում ձեռք բերեց Իսպանիայում: Արդյունքում Իսպանիայի թագավոր Ֆիլիպ V Բուրբոնացին համարեց այդ խմիչքի տարածումը ազգային սպառնալիք և արգելանք դրեց «Chinguirito»-ի վրա: Այդ արգելքը հանվեց միայն 100 տարի անց: El Ron Prohibido ընկերությանը հաջողվեց վերականգնել խմիչքի պատրաստման ավանդական մեթոդները: Այն պատրաստում են բարձրակարգ եղեգնյա սպիրտից՝ իսպանական խերեսի տակառներում: