Ֆրեսկոբալդի Տենուտա Պերանո Ռիալցի Կիանտի Կլասիկո

Գինին ունի հարուստ, բայց թափանցիկ, կարմրավուն գույն՝ նռնաքարային երանգներով: Բույրում գերակշռում են մրգային, հատապտղային նոտաները. սև հաղարջ, հապալաս: Երկրորդային բույրում նկատելի են սուրճի, ծխախոտի ելևէջներ:

Լավ է համադրվում որսի մսի, կարմիր մսի և հնացված պանիրների հետ:

Խմորումն իրականացվում է չժանգոտվող պողպատե պահամաններում՝ վերահսկվող ջերմաստիճանում։

24 ամիս՝ ֆրանսիական նոր կաղնե տակառներում, այնուհետև՝ շշի մեջ:

Խաղողի այգիները գտնվում են Գայոլե բլուրների վրա՝ Chianti Classico-ի  լավագույն գոտիներից մեկում՝ ծովի մակարդակից 500 մ բարձրության վրա։

Ֆրեսկոբալդի ընտանիքը երկար տարիներ ուսումնասիրել է Chianti Classico տարածքը՝ որոնելով կատարյալ տերուար և ընտրել է Tenuta Perano-ն: Խաղողի այգիների յուրահատուկ դասավորությունը՝ բնական ամֆիթատրոնի տեսքով, Սանջովեզեի համար ճիշտ հողը և այգիների լավ լուսավորվածությունն իդեալական են հարուստ, էլեգանտ և բարդ Chianti Classico-ի ստեղծման համար:

Frescobaldi ընտանիքը Իտալիայի գինեգործական ամենահին և հեղինակավոր երկու ազնվատոհմերից մեկն է: Ֆրեսկոբալդիները ծագումով Ֆլորենցիայից են և այժմ էլ նրանց գործունեությունը ծավալվում է Տոսկանայում՝ Իտալիայի №1 գինեգործական տարածաշրջանում:
Այստեղ նրանց պատկանում է 7 կալվածք, ինչը թույլ է տալիս լիարժեք բացահայտել Տոսկանայի բոլոր տերուարները: