Տրիմբախ Ռիսլինգ Էլզաս 2020

Գինին ոսկեգույն է՝ կանաչավուն երանգներով: Գրավիչ բույրում զգալի են դեղձի և կիտրոնի թարմացնող նոտաներ, իսկ էլեգանտ համը հարուստ է ծաղկային և ցիտրուսային ելևէջներով:

Հիանալի համադրվում է էլզասյան ճաշատեսակների, ծովամթերքի, ձկնային դելիկատեսների, սուշիի/սաշիմիի, սպիտակ գինով սոուսներում համեմված թռչնամսի, ինչպես նաև խոզի մսի կամ ասիական խոհանոցի ուտեստների հետ:

Բերքահավաքը տեղի է ունենում հոկտեմբերի կեսին: Խմորումն ընթանում է չժանգոտվող պողպատե պահամաններում:

Ռիսլինգն Էլզաս շրջանում աճող խաղողների թագավորն է համարվում: Այն գրեթե այնքան հայտնի է, որքան Շարդոնեն: Էլզասում Ռիսլինգի այգիները զբաղեցնում են ավելի քան 3500 հեկտար:

Trimbach-ը Ֆրանսիայի ամենահին և փառահեղ գինու տներից է. Էլզաս (Alsace) շրջանի այս խորհրդանիշը հիմնադրվել է դեռևս 1626 թ.-ին, և այժմ այն ղեկավարում են Տրիմբախ ընտանիքի 12-րդ ու 13-րդ սերնդի ներկայացուցիչները: