Վինյետի Ռոմիո Նովեբոլե Սպումանտե Էքստրա Դրայ Ռոզե

Նուրբ վարդագույն փրփրուն գինի: Քթին հաճելիորեն բացվում են կարմիր մրգերի և դեղձի նրբերանգները: Դրանք հիանալիորեն ձուլվում են համային փնջում արտահայտված թարմությանն ու փխրունությանը:

Այս թեթև գինին հրաշալիորեն լրացնում է նույնքան թեթև ուտեստներն ու դեսերտները: Կարելի է նաև մատուցել եփած մսի հետ:

Բերքը հավաքելուց անմիջապես հետո խաղողն անցնում է կարճ մացերացիա կեղևի հետ միասին, որին հաջորդում է վերահսկվող ջերմաստիճանում խմորումը՝ 16-19°C: Հիանալի փրփրուն գինի ստանալու համար իրականացվում է նաև երկրորդական ֆերմենտացիա չժանգոտվող պողպատե պահամաններում՝ 30 օր տևողությամբ:

Խաղողի այգիները գտնվում են ծովի մակարդակից 80-140 մետր բարձրության վրա: Այստեղ կավի պարունակությունը հողում հրաշալի պայմաններ է ստեղծում գինու համար իդեալական խաղող աճեցնելու համար:

Caviro-ն հիմնադրվել է 1966 թվականին Իտալիայի Ֆաենցա քաղաքում, որը հայտնի է իր բարձրորակ խաղողով և գինիներով: Տարիների ընթացքում ընկերությունն զգալիորեն աճել է և այժմ արտահանում է իր արտադրանքն ավելի քան 80 երկիր: Այսօր այն Իտալիայի մեծ գինեգործարաններից մեկն է և երկրում ալկոհոլի արտադրության առաջատարը: Caviro Extra Spa-ն՝ խմբի դուստր ձեռնարկությունն է: Caviro-ն նաև համաշխարհային առաջատարն է բնական գինեթթվի արտադրության ոլորտում: Բացի այդ, ընկերությունը համագործակցում է Enomondo-ի հետ՝ վերականգնվող էներգիայի աղբյուրներ արտադրելու համար: Ներկայում Caviro կոոպերատիվին են պատկանում այնպիսի մեծ գինեգործական ենթաընկերություններ, ինչպիսիք են Aprimondo-ն, Terre Forti-ն և Leondardo da Vinci-ն: